Lucas 22:18 - Ing Mayap a Balita Biblia

¹⁸ Sasabian ku kekayu king manibat ngeni e na ku minum kaniting katas ning ubas anggang e datang ing Kayarian ning Dios.

Lucas 22:18 Iomraidhean Croise

Ding Dalit 104:15

at alak a makaibie tula king pusu na; laru ban lupa na saya ya, at tinape a munie sikanan.

Ing Malagung Diling Kanta 5:1

Linub ku king kakung mulahan, ing kakung kakaburi at kakung ketanguanan. Mangua kung mira at aliwa pang mabanglung tanaman; mangan kung pulut at pulut ding panilan; inuman ku ing alak at ing gatas. Mangan kayu, O malsinta, at minum angga king lasing kayu!

Isaias 25:6

Keting Bunduk ning Zion magsadia yang dakal a pamangan at inuman ing Ginung Mayupaya para karing sablang bansa keti king yatu. Maniaman a pamangan at mangamal diling alak ing pepasadia na.

Isaias 55:1

Ngana ning Ginu, Me ko keni, ikong sablang kakau, oyni ing inuman yo! Me ko keni, ikong alang pera, sali kayung trigu at mangan kayu! Me ko keni, sali kayung alak at gatas, e kayu magastus nanuman!

Daniel 2:44

King kapanaunan da ring pamuntuk a reta, mitatag yang metung a kayarian a alang kapupusan ing Dios ning banua. E ya malyaring masambut iti, nune lubus na lang lasakan ding kayarian at kaybat na nita, manatili ya kapilan man.

Zacarias 9:15

Ing Ginung Mayupaya memalen na ingatan na la, at ding kalaban da karela lang paten. Kulisak la libutad ning labanan anti ding taung malasing, at ing daya ding kalaban karelang payagusan; magus anti ing daya ning animal a sasakripisyu, ing dayang tutugtug da karing suluk ning altar.

Zacarias 9:17

E mu nanung kayapan at leguan ing mayakit kanita king bansa! Dagul lang masikan a katawan ding baintau na at dalaga uli ning binutil at alak a pangabiayan da.

Mateo 16:18

At aku sasabian ku keka, ika i Pedro at babo na niting batu italakad ke ing iglesia ku. At e re sambutan ding pasbul ning impierno.

Mateo 26:29

Sasabian ku kekayu; e na ku minum pasibayu kaniting alak anggang e ku inuman ing bayung alak kayabe yu king Kayarian nang Ibpa ku.

Marcos 14:23

Kaybat na nita, kinua ne ing kopa, at pepasalamat ya king Dios, at binie ne ing kopa karela at mininum la ngan.

Marcos 14:25

Ing katutuan sasabian ku kekayu, e na ku pasibayung minum kaniting alak angga king aldo a inuman ku ing bayung alak king Kayarian ning Dios.

Marcos 15:23

Dininan deng alak a semutanan mira, oneng e na ininum.

Marcos 9:1

At sinabi na pa karela, Tandanan yu ini: karing mapilan a atyu keti ating e takman king kamatayan anggang e re akit datang king mitmung kayupayan ing Kayarian ning Dios.

Lucas 21:31

Makanyan munaman, potang akit yu na lang mangapalyari deting bage, abalu yu king malapit neng datang ing Kayarian ning Dios.

Lucas 22:16

Sasabian ku kekayu: kapilan man e na ku pasibayung mangan kaniti anggang e lubus matupad iti king Kayarian ning Dios.

Lucas 9:27

Sasabian ku kekayu king ating mapilan keti a e mate anggang e re akit ing Kayarian ning Dios.

Colosas 1:13

Uling linigtas na katamu king upaya na ning karalumduman at linipat na katamu king kayarian na ning Anak nang pakamalan

Ukum 9:13

Ngana ning ubas karela, Lakuan ku wari ing kakung pamangawang alak a babie tula karing dios at karing tau ban manimuna ku kekayo?