Lucas 21:7 - Ing Mayap a Balita Biblia

⁷ Ngarang mengutang kang Jesus, Maestro, kapilan malyari iti? At nanu ing palatandanan king pangatupad na niti?

Lucas 21:7 Iomraidhean Croise

Daniel 12:6

Kitnan ne ning metung karela ing anghel a makatalakad marayung bagya banda nang babo ning ilug. Ngana, Nu anti kaluat bayu la miwakasan ding bage pagmumulalan?

Daniel 12:8

Dimdam ku ing sinabi na, oneng e ku aintindian. Inya ngakung kinutang, Oneng makamal, makananu ngang miwakasan iti?

Mateo 24:3

Kanitang misan, kabang makalukluk ya i Jesus karin king Bunduk ding Olibo, lepitan de ring alagad na at kitnan deng sarilinan. Ngara, Kapilan ngan mapalyari ing kekang sinabi? Nanu ing maging palatandanan ba ming abalu ing paniatang mung pasibayu at ing kawakasan na ning yatu?

Marcos 13:14

Nung akit yu nang mararapat king lugal a e sukat mapalyari Ing Makapangilabut a Kasiran a tune makapagalgal (pakaintindian na ning babasa iti), detang atyu king Judea sukat lang tumakas karing bunduk.

Lucas 21:32

Tandanan yu! Mapalyari ngan ing sablang bage iti bayu la ngan mangamate ding taung mabibie ngening kasalukuyan.

Lucas 21:6

Ding akakit yung den, datang ing panaun, metung man alang mitagan a batung makatumpak king kalupa nang batu; mabaldug la ngan king gabun.

Lucas 21:8

Pekibat na, Mingat kayu ban e na kayu alinlang ning ninuman. Uling dakal la ding datang king lagyu ku a sumabing, Aku ing Cristo! at Ing panaun dinatang na! E kayu tutuki karela.