Lucas 21:6 - Ing Mayap a Balita Biblia

⁶ Ding akakit yung den, datang ing panaun, metung man alang mitagan a batung makatumpak king kalupa nang batu; mabaldug la ngan king gabun.

Lucas 21:6 Iomraidhean Croise

Jeremias 26:18

Inyang i Hezekia ya ing ari na ning Juda, i propeta Mikeas ning Morastita sinabi na karing sablang tau king ing Ginung Mayupaya migsalita yang anti kaniti, Masarul yang anti ing marangle ing Zion; maging buntun ne ning kasiran ing Jerusalem, at maging gubat ya ing Templo king bunduk-bundukan.

Jeremias 26:6

Nung manatili kayung e mamintu daptan ku keting Templo itang depat ku karin king Silo, at gamitan de ring sablang bansa ning yatu anting sumpa ing lagyu na niting siudad.

Jeremias 26:9

Baket sinabi mu king lagyu ning Ginu king iting Templo maging anti ya king Silo at king iting siudad malasak ya at ala nang bitasang manuknangan keti? Kanita pilupungnan da ku ding tau.

Ding Tagulele 4:1

Kinupas ing kekatamung gintung kikinang; ding batu ning Templo pakakalat la karing dalan.

Ding Tagulele 5:18

uling ing Bunduk ning Zion magdili-dili ya at meulila, uling asu lang gubat ding gagala karing bale nang mengasira.

Mikeas 3:12

Uli yu masarul ya anting marangle ing Zion, maging metung yang buntun na ning kasiran ing Jerusalem, at maging metung yang kagubatan ing bunduk a katatalakaran na ning Templo.

Zacarias 11:1

Lebanon, ibuklat mu la ding pasbul mu, ban ing silab akua nong gisanan ding kekang tanaman a sedro!

Zacarias 14:2

Tipunan na la ning Ginu ding sablang bansa at gerahan de ing Jerusalem. Mibagsak ya ing siudad; panakawanan da la ring pibalebale at salbahian da la ring babai. Mabihag la ding kapitna karing tau at miyugse la king aliwang bansa, oneng e da la ilako king siudad ding mitagan.

Mateo 24:2

Oneng sinabi na karela, Pakalawan yu na lang masalese deng gusaling den. Sasabian ku kekayu, ala metung mang batu a mitagan makatumpak king kalupa nang batu karing gusaling den! Malasak la ngan!

Marcos 13:2

Nganang mekibat Jesus, Ding mangaragul a gusaling akakit mung den malasak la ngan. Alang batung mitutumpak a mitagan king kabilian da; mibagsak la ngan den!

Lucas 21:7

Ngarang mengutang kang Jesus, Maestro, kapilan malyari iti? At nanu ing palatandanan king pangatupad na niti?