Lucas 21:34 - Ing Mayap a Balita Biblia

³⁴ Mingat kayu! E yu paburen ing mipasoso kayu king katakawan at pamaglasing, at e kayu paibalisa king pamanintun kabiayan, pota dasnan na kayu ning Aldong ita a e kayu makasadia.

Lucas 21:34 Iomraidhean Croise

Genesis 19:32

Tara, lasingan te i tatang at sipingnan ban mikayanak kata.

Genesis 19:35

Ketang benging ita lesingan de i tata ra at sipingnan ne ning wali. E na naman balung Lot ing migkera ya siping na ing anak nang bungsu uli ning kalasingan na.

Genesis 27:14

Kinua na la at dela kang ima na, at piglutu neng ima na i tata na ketang buri nang pamangan.

Ding Dalit 35:8

King e ra kamalayan dugpa sana karela ing kasiran; king inumang dang lambat sana ila ding marakap, king gewa rang kulkul ila sana ding manakbag!

Ding Kasebian 21:4

Alipan na la ning kaimutan at kapalaluan ding taung tune e mayap, at iti kasalanan.

Ding Kasebian 23:20

E ka makikiabe karing taung lasenggu o karing taung matako.

Ecclesiastes 9:12

E mu balu ing paniatang na ning kekang oras. Mangari ka king asan a merakap king salakab o ayup a merakap king bitag. Mararakap tamu ngan king e mayap a kapanaunan a e tamu asaasahan.

Isaias 28:7

Paid-paid la pati na ding propeta at pari king pamaglakad da uli na ning kalasingan da. Mangatisud la at mangasakab uli na ning milalung pamaninum dang alak at aliwa pang matapang a inuman. King milalu dang pangalasing ding propeta, e ra na la akuang aintindian detang vision a parala na ning Dios. Antimu rin, tutu la namang malasing ding pari, inya e ra na la akuang alulutas ding kasung lalapit da ring tau karela.

Hosea 4:11

Nganang sasabi ning Ginu, Ing alak, luma ya man o bayu, ya ing pasari king ala dang matulid a pamisip ding tau.

Levitico 10:9

Ika ampon ding anak mu, e kayu miminum alak o nanumang bage makalasing bayu kayu lungub king Toldang tuknangan ku, pota mate kayu. Iti tuntunan yang sukat ipatupad karing lahi yu king kapilan pa man.

Mateo 13:22

Ing bining digpa king dikut a masuksuk kalupa da la detang makiramdam king amanu, oneng meging balisa la tungkul karing bage keti king yatu, at maging malugud la king pibandian, angga king ala nang paglugalan karing pusu ra ing amanu, inya e la mikabunga.

Marcos 13:9

Tatagan yu ing sarili yu! Uling pandakpan da kayu at iyarap karing husgadu. Paglatikuan da kayu karing sinagoga. Iyarap da kayu karing gobernador at ari king uli ku ban munie patutu karela.

Marcos 4:19

oneng balisa la pamisip tungkul karing bage-bage king yatung iti, at maburi la king pibandian ampon mapagnasa la karing aliwa pang bage, inya alang paglugalan ing amanu karing pusu ra. Uli na niti, e la mikakabunga.

Lucas 10:41

Pekibat ning Ginu, Marta, Marta, maliligalig ka at mayayabala karing dakal a bage,

Lucas 12:40

Ikayu man sukat kayung magsadia uling datang ya ing Anak ning Tau king oras a e ye asahan.

Lucas 17:3

Inya mingat kayu! Nung mikasala ya ing kapatad mu, sabianan me; patawaran me nung sumisi ya.

Lucas 21:35

Uling datang ya ing aldong ita king e ra piadian ding sablang tau king mabilug a yatu.

Lucas 21:8

Pekibat na, Mingat kayu ban e na kayu alinlang ning ninuman. Uling dakal la ding datang king lagyu ku a sumabing, Aku ing Cristo! at Ing panaun dinatang na! E kayu tutuki karela.

Lucas 8:14

Ing bining digpa libutad ning dikut a masuksuk kalupa da la detang makiramdam king amanu, oneng ing karelang kalingasngasan, ing pibandian at ing pamagsaya king bie ya ing makisiksikan king amanu at pupuputan da. Inya e na akuang lululut ning karelang bunga.

1 Corinto 5:11

Ing amanuan ku ya ing e kayu makiabe king magbansag kapatad, oneng imoral ne man, sakim, sasambang idolo, mapanagkas, lasenggu o mapanako. E kayu naman bitasang makiabe mamangan king taung anti kaniti.

1 Corinto 6:10

ding mapanako, sakim, lasenggu, mapanagkas, at ding tulisan e re kamtan ing Kayarian ning Dios.

Galacia 5:20

king pamanyamba karing idolo at karing mangkukulam. Milaban-laban la ding tau, mipatepate la, mipapangalalu la, mipapagkamua la at mapagimbut. Mipatepate la karing miyayaliwang partido at lupung;

Deuteronomio 29:19

Ngening dimdam yu na la deting pakiduang ning kasunduan at kaybat atin kekayu a matulang sabian na king lub na, E ku numanu balang agyang pang daptan ku itang sabla kung buring daptan. Iti ing panibatan na ning kasiran yumayap la man o e mayap.

Filipos 4:6

E kayu paibalisa lub, nune king sabla yung pamanalangin aduan yu king Dios ing kekayung kailangan, at king pamaniawad yu e yu kakalinguan pasalamat keya.

Hebreo 12:15

Ingatan yu king ing ninuman e ya mangalinguan king lugud na ning Dios. Ingatan yung ing ninuman kekayu e ya maging kalupa na ning tanaman a makalasun a tutubu, at makasakit karing sablang darasnan na.

2 Pedro 3:10

Oneng ing Aldo ning Ginu datang yang antimo ing metung a mapanako. King Aldo ita mamaksing ya ing banua at matda ya. Malaso la king api ding batuin at planeta at masilab ing sablang atyu king yatu.

2 Pedro 3:14

Inya, pakamalan kung kakaluguran, kabang manenaya kayu king Aldo ita, daptan yu ing sablang agyu yu ba kayung maging payapa pamibiebie, malinis at alang kapintasan arapan na ning Dios.

Kapahayagan 3:3

Inya ganakan mu nung makananu mu lang tinggap ding aral a dimdam mu. Tuparan mu la deti at sisian mu ing kekang pamikasala. Nung e ka migising, datang kung anting mapanakoking oras a e mu balu.

1 Samuel 25:36

Migbalik ne kang Nabal i Abigail; lipat ne pa ning piestang sidia ra para king metung a ari ing pepasadia nang Nabal king bale na. Masaya yang e mu nanu i Nabal uling tutu neng malasing. Inya ala yang sinabi nanuman i Abigail kang Nabal angga na inyang miras na ing abak.