Lucas 21:25 - Ing Mayap a Balita Biblia

²⁵ Mika ating palatandanan king aldo, king bulan at karing batuin. Magulu la ding bansa keti king yatu at malitu uli na ning dagat at ning alun.

Lucas 21:25 Iomraidhean Croise

Ding Dalit 46:3

o dabungbung man ing danuman, at ding bunduk galgal la ngan king alun a mitmung bigsikan.

Isaias 13:10

Tuknang lang saslag ding batuin na ning banua; kulimlim ya ing aldo potang sunlag ya at e na ibie ning bulan ing sala na.

Isaias 17:12

Magugulu la ding bansang mayupaya at mengari ing inge ra king biung ning dagat ampon ding maragul a alun a sasagasa.

Isaias 24:23

Dalumdum ya ing bulan at e ne sunlag ing aldo uling ing maging ari ya ing Ginung Mayupaya. Sakupan ne ing Jerusalem a makatalakad babo ning Bunduk ning Zion at akit da ring manimuna da ring tau ing ligaya na.

Isaias 5:30

Potang datang ne ing aldong ita, gumaga la king mabilug a Israel; gumaga lang anti ing biung ning alun ning dagat. Lawan ye iting bansa! Karalumduman at kasakitan ing daralanan na! Akmulan na ning dalumdum ing sala.

Isaias 51:15

Aku ing Ginung kekang Dios; aku ing gogogo king dagat, at babie biung karing alun. Ginung Mayupaya ing lagyu ku!

Jeremias 4:23

Miglalawe ku king yatu; sira ya at ala yang laman, miglalawe ku king banua; pawang maralumdum ing kakung ikit.

Daniel 12:1

Nganang sinabi ning anghel a makaimalan linen, King panaun a ita, pakit ya ing mayupayang anghel a i Miguel a magbante karing kabalen mu. Kanita mika panaun ning kaligaligan, ing e mayap dili manibat na king kamumulan a linto la ding bansa. Potang datang na ing panaun a ita, miligtas la ding heganaganang memalen na ning kekang bansa a makasulat a lagyu king libru ning Dios.

Mikeas 7:4

Agyang ing pekamayap at pekamalinis a pamibiebie karela mengari la pa mu ring suksuk a alang silbi. Dinatang na ing aldo a ing Dios parusan na na la ding tau, antimo ing binie nang babala karela king kapamilatan da ring karelang talapagbante, ding propeta. Ngeni e ra balu ing daptan da.

Mateo 24:29

E lambat kaybat ning kaguluan a mapalyari king panaun a ita, e na ibie ning aldo ing sala na, dalumdum ya ing bulan at manabu la ding batuin ning banua at milisia la ding planeta karing karelang dalan.

Mateo 27:45

Inyang ugtung aldo na meralumdum ya ing mabilug a bansa angga itang alas tres.

Marcos 13:24

Pangalabas na ning kasakitan da ring tau, dalumdum ya ing aldo, e na ibie ning bulan ing sala na,

Marcos 13:26

Kanita re akit ing Anak ning Tau, daratang ya libutad ding biga a kitmuan upaya at kamalan.

Marcos 15:33

At medalumdum king mabilug a bansa manibat king kaugtuan aldo anggang alas tres ning gatpanapun.

Lucas 21:24

Mate la ding mapilan king espada at idala da lang bihag ding aliwa karing sablang bansa. Damusakan de ring paganu ing Jerusalem anggang e mapupus ing panaun a mitakda para karela.

Lucas 21:26

Mabungsul la ding tau king takut at king pamanisip da karing bage mapalyari king yatu; uling mayugun la at milisia la dalan ding planeta at ding aliwa pang bage king banua.

Ding Dapat 2:19

Palto kung tanda king banua, at miyayaliwang pagmulalan king yatu. Mika daya at api at makapal a asuk;

Kapahayagan 20:11

Kaybat na nita, ikit ke ing metung a maragul a tronu'ng maputi at ing makalukluk karin. Mebating la king arapan na ing banua at ing yatu at e na la bitasang meyakit.