Lucas 21:23 - Ing Mayap a Balita Biblia

²³ Maging makalunus la ding mabuktut at ding pasusu karing aldo deta! Uling datang ing maragul a kasakitan at mua ning Dios laban king bansang iti.

Lucas 21:23 Iomraidhean Croise

Ding Tagulele 4:10

Ing kasakitan a dinatang king kakung balen migdalang makapangilabut a takut; ding imang malugud linutu da lang karelang anak ban e la mate king danup.

Daniel 8:19

at ngana, Papakit ku keka ing maging bunga ning mua ning Dios. Tungkul ya ing vision king oras ning kawakasan.

Mateo 21:16

Inya ngara kang Jesus, E mu daramdaman ing sasabian da? Pekibat nang Jesus karela, Daramdaman ku. E ye pa wari abasa iting Kasulatan a sasabing: Karing asbuk da ring anak at bingut pepayagkas mu ing ganap a kapurian?

Mateo 21:41

Ngarang mekibat, Siguradu na lang ipapate ding e mayap a taung deta, at ipakisamak ne ing mulahan nang ubas karing aliwang makisamak a munie king parti na king pupul king panaun a karampatan.

Mateo 21:44

Mangapile ya ing ninumang mitakid king batung iti, at mangarunut ya ing ninumang dugpan na ning batung iti.]

Mateo 24:19

Makalunus lang tutu king panaun a ita ding babaing mabuktut at ding ating pasusuan!

Marcos 13:17

Makalunus ing maging kabilian da ring mabuktut at ding ima a ating pasusuan karing aldo deta!

Lucas 19:27

Ngeni, tungkul naman karetang kalaban kung e maki buri king maging ari ku karela, idala yu la keni at paten yu la king arap ku!

Lucas 19:43

Datang la ding aldo a padurutnan da kang kuta ding kekang kalaban; kubkuban da ka at lusuban king misusumangid.

Lucas 23:29

Tandanan yu ini: datang la ding aldo nung nu ra sabian ding tau, Kapalad da ring babaing baug, ding kapilan man e menganak at kapilan man e pepasusu!

1 Corinto 7:26

Uli na ning kasalukuyan a kagutgutan, isipan ku king masanting ing manatili ya ing tau king sadia nang kabilian.

1 Tesalonica 2:16

Babawalan da ke mang manaral karing paganu. Pilit dang sasabatan ing pangaligtas da ring paganu. Mamabut na angga banua ing karelang dewakan, inya mibagsak karela ing milalablab nang mua ning Dios.

Hebreo 13:16

Isulung yu ing pamaniapat mayap at ing pamisaupan king metung at metung, uling deti sakripisyu lang babie tula king Dios.

Santiago 5:1

At ngeni, ikayung mabandi, pakiramdaman yu ing sasabian ku! Tumangis kayu at kiakan ing makalunus a bage a malapit nang dugpa kekayu!

1 Pedro 4:17

Miras na ing aldo para magumpisa na ing pamanukum at ding taung pinili na ning Dios ila ding mumunang diling maukum. Nung kekatamu megumpisa nanu kaya ing maging kararasan da retang taung e maniwala king Mayap a Balitang ibat king Dios?