Lucas 21:22 - Ing Mayap a Balita Biblia

²² Uling ila deti ring Aldo ning Pamamarusa ban matupad ing sablang sasabian ding Kasulatan.

Lucas 21:22 Iomraidhean Croise

Isaias 34:8

Iti ya ing panaun a iligtas ne ning Ginu ing Zion at sambutan na la ding kalaban na.

Isaias 61:2

Tinubud na ku ban sabian king miras na ing panaun ban ing Ginu iligtas ne ing balen a pinili na, at sambutan karelang kalaban. Tinubud na ku ban ding tatangis kaku lang paligayan,

Isaias 63:4

Inari ku king lub ku king dinatang na ing aldo ning pamagligtas karing taung pinili ku; oras na ban parusan ku la ding kalaban da.

Jeremias 51:6

Lakuan yu ne ing Babilonia! Tumakas na kayu! E yu paintulut ing mate kayu uli na ning kasalanan ning Babilonia. Mamablas na ku at paparusan ke agpang ketang depat na.

Hosea 9:7

Dinatang na ing oras ning pamamarusa, ing oras nung kapilan tanggapan da ring tau ing kaparusan a mangaintulid karela. Abalu ning Israel potang mapalyari na ita. Ngayung sasabi, Mangmang ya ing propetang iti; sira ya buntuk iting taung maki espiritu. Maragul ing mua yu kanaku, uling maragul ing kekayung kasalanan.

Malakias 4:1

Daratang ne ing aldo nung kapilan ding taung mapagmatas at e mayap masilab lang kalupa na ning are, nganang sasabi ning Ginung Mayupaya. King aldong ita masilab la at alang mitagan metung man karela.

Mateo 1:22

Milyari iting sabla ban matupad ing sinabi na ning Ginu king kapamilatan na ning propeta:

Roma 2:5

Oneng uli na ning kesiasan mung buntuk at ning pusu mung e biasang sumisi, lalu mung bubuntun king kekang sarili ing maragul a kaparusan a tanggapan mu king Aldo a mibugnus ing milalablab nang mua ning Dios at mipakilala ing matulid nang kayatulan.

Deuteronomio 32:34

Iti e ku wari tingka, at anting pibandian a kakung sisinup?

Deuteronomio 32:43

Ikong sablang bansa, samban ye ing Ginu da ring taung pinili na; uling detang mekamate karela paparusan na la; sisingilan na la detang kalaban na at patawaran ing kasalanan da ring taung pinili na.

2 Pedro 2:9

Inya balu na lang iligtas ning Ginu ding tapat keya king kapagsubukan a daralanan da, at balu na lang parusan ding e mayap angga king Aldo ning Pamanukum

2 Pedro 3:7

King upaya na mu rin ning amanu na, papanatilian ne ning Dios ing banua at yatu ban siran na king api paniatang ning Aldo ning pamanukum na, at pamakamate karing e mayap a tau.