Lucas 21:21 - Ing Mayap a Balita Biblia

²¹ Sukat lang tumakas karing bunduk ding atyu king Judea at sukat lang mako ding manuknangan king siudad, at e na la sukat lungub pa karin ding atyu king baryu.

Lucas 21:21 Iomraidhean Croise

Genesis 19:17

Ngara kang Lot inyang alual da na la king siudad, Mulayi na kayu at iligtas ing sarili yu. E kayu babalikid kagulutan yu at e kayu tutuknang king lugal a patag. Munta na kayu karing bunduk-bundukan ba kayung e mate.

Genesis 19:26

Oneng melikid ya ing asawa nang Lot, at meging asias yang asin. Oneng melikid ya ing asawa nang Lot.

Ding Kasebian 22:3

Potang akakit nang daratang ing panganib, ing taung biasa mangilag ya, oneng ing taung mangmang e na pangilagan, inya daralan yang kasakitan.

Jeremias 35:11

Inyang lisuban neng Aring Nebucadenesar ing bansa mi, pikayari mi ing munta kami king Jerusalem ban miligtas karing sundalus na ning Babilonia at Siria. Iti ya ing sangkan nung inya manuknangan ke king Jerusalem.

Jeremias 37:12

Inya ibat king Jerusalem minta ku king gabun ning tribu ning Benjamin ban kuanan ing dake ku king pibandian ning pamilya mi.

Jeremias 6:1

Memalen ning Benjamin, tumakas kayu ba kayung miligtas! Lakuan yu ne ing Jerusalem! Tiupan yu ne ing trumpeta king Tekoa at gawa kayung dapug bilang senias king Bet-Akerem. Malapit nang datang ing kasakitan at kasiran a manibat king norti.

Ding Bilang 16:26

Ngana king mabilug a balen, Ipakisabi kung mayap kekayu king lumaut kayu sana karing toldang tuknangan da reting e mayap a lalaki at ala kayung tatagkilan king nanuman king bandi ra, pota mate kayung kayabe ra uli na ning kasalanan da.

Mateo 2:1

Mibait ya i Jesus king Betlehem, Judea, kanitang panaun nang Aring Herodes. E melambat dinatang la Jerusalem ding mapilan a Mangabiasa, ding taung magaral king pangimut da ring batuin; menibatan la king Aslagan

Mateo 24:16

Potang malyari na yan, sukat lang tumakas karing bunduk-bundukan ding atyu Judea.

Marcos 13:15

E ne kailangan kuldas ing taung atyu king asotea o lungub man king bale na ban kumang nanumang adala na.

Kapahayagan 18:4

At dimdam ku ne naman ing metung pang siwalang ibat banua. Ngana: Kabalen ku, dumayu kayu king Babilonia. E kayu makiyabe king pamikasala na, ban e kayu miparusan kayabe na!