Lucas 21:19 - Ing Mayap a Balita Biblia

¹⁹ Magpakatatag kayu uling king kekayung kapibabatan karin yu tanggapan ing kaligtasan.

Lucas 21:19 Iomraidhean Croise

Ding Dalit 37:7

Magtahimik ka king arap ning Ginu at ya'ng panayan mu. E ka paisakit lub king taung mipapala o king ninumang magtagumpe king e mayap nang nasa.

Ding Dalit 40:1

Menaya kung mitmung kapibabatan king Ginu; linusan na ku at dimdam nang panalangin ku.

Habakuk 3:16

Iti ngan abalitan ku at gagalgal ku; ding kakung labi gagalgal la king takut. Ing katawan ku mengalambut ya, at mengaina la ding bitis ku. Ing paniatang ning kayaldawan tahimik kung panenayan, potang ing Dios parusan na na la ding sinalake kekata ngan.

Mateo 10:22

Pikasaman da kayu ding sablang tau king uli ku. Oneng ing manatili angga king kawakasan ya ing miligtas.

Mateo 24:13

Oneng ing ninumang manatiling tapat angga king kawakasan ya ing miligtas.

Lucas 8:15

Ing bining digpa king gabun a mataba mangaintulid ya karetang dinamdam king amanu at sininup da iti kilub ning pusung mayap at mapamintu; iti menatili angga na inyang mika bunga.

Roma 15:4

Ing sablang misulat karing Kasulatan misulat ban ituru da katamu, at ban mika kapanayan tamu king kapamilatan na ning kapibabatan at sikanan lub a babie da ring Kasulatan.

Roma 2:7

Ating taung e patugut darapat mayap, manintun ligaya, dangal at bie alang angga; ibie na kareti ning Dios ing bie alang angga.

Roma 5:3

Oneng aliwa mu iti ing malyari tamung ikatula. Malyari tamung tumula karing kekatamung kasakitan; balu tamu king ding kasakitan mamunga lang kapibabatan,

Roma 5:4

at ing kapibabatan mamungang tetagan; ing tetagan magdalang kapanayan,

Roma 8:25

Nung manaya tamu ketang e ta pa akakit, panayan tamu king mitmung kapibabatan.

1 Tesalonica 1:3

Gaganakan ming alang patugut king arapan na ning kekatamung Dios at Ibpa ing kekayung mayap a dapat a bunga na ning kekayung pamanialpantaya, ing kekayung kapagalan king agkat na ning lugud, at ing manatili yung kapanayan king Ginung Jesu-Cristo.

2 Tesalonica 3:5

Mananu na sanang tairan na kayu ning Ginu king lugud king Dios at king pamanatili kang Cristo.

Hebreo 10:36

Kailangan ing mibata kayu ban atuparan yu ing kaburian na ning Dios at tanggapan itang pengaku na.

Hebreo 6:11

Pagnasan ming lubus king papanatilian na sa ning balang metung kekayu at isundu ing pamagkapilit na angga king kawakasan ban tanggapan yu ing pangatupad da ring sabla yung pagnasan.

Hebreo 6:15

Mapibabata yang menaya i Abraham, inya naman tinggap na ing pengaku na ning Dios.

Santiago 1:3

uling balu yu king arapan na ning anti kaniting kapagsubukan, ing maging bunga na ya ing lalu kayung mabiasang mibata.

Santiago 1:4

At siguraduan yu king ing pamibabata yu asadsad yu angga king wakas; alang kupas ban maging sakdal kayu at ganap, alang kakulangan nanuman.

2 Pedro 1:6

at ing kekayung kabiasnan abayanan yung pamangawat king sarili, at king pamangawat king sarili iyabe ing pamanatili, at ing pamanatili yu lapatanan yung kabanalan,

Kapahayagan 1:9

Aku i Juan, ing kapatad yung kayabe king kekayung kasakitan at king kayarian nang Jesus at king pamibabata uli na ning pangayabe kang Jesus. Inugse ra ku king pulu ning Patmos uling penaral ku ing amanu na ning Dios at minie kung patutu tungkul kang Jesus.

Kapahayagan 13:10

Ing ninumang mitalagang mabihag, mabihag ya; ing makamate king espada, king espada ya naman mate. Iti maniawad kapibabatan at kasalpantayanan karing pinili na ning Dios.

Kapahayagan 14:12

Inya kailangan lang magpakatatag ding pinili na ning Dios, ding tutupad karing utus na, at tapat kang Jesus.

Kapahayagan 3:10

Uling tiparan mung mitmung kapibabatan ing utus ku, ingatan da ka potang datang na ing oras ning kapagsubukan karing sablang tau keti king yatu.