Lucas 21:16 - Ing Mayap a Balita Biblia

¹⁶ Agyang ding pengari yu, kapatad, kamaganak, at kakaluguran ipanganiaya ra kayu; ipapate da la ring mapilan kekayu.

Lucas 21:16 Iomraidhean Croise

Jeremias 12:6

Pati ding kapatad mung lalaki, mismung katubale mu, pigtaksilan da ka; mekiabe la king pamagtaksil keka. E ka magtiwala karela agyang magsalita lang masanting a amanu keka.

Jeremias 9:4

Sukat yang mingat ing metung at metung agyang king kakaluguran na, ala nang makapagtiwala king kapatad na; uling ing balang kapatad mapaglinlang yang anti i Jacob, at ing balang metung sisiran neng kakaluguran na.

Mateo 10:21

Pagtaksilan ne ning kapatad ing kapatad na, makanyan munaman ing daptan da ring tata karing anak da; lumaban la ding penganak karing pengari da at ipapate da la.

Marcos 13:12

Ipanganiaya ne ning kapatad na ing kapatad na ba neng apapate, at ing tata ing anak na. Lumaban la ding anak karing karelang pengari at ipapate da la.

Lucas 12:53

Milaban-laban la ding tata at ding anak dang lalaki, ding ima at ding anak dang babai at antimu rin ding katuangan a babai at ding manuyang a babai.

Lucas 21:15

uling dinan da kayung amanu at kabiasnan a e na agyung labanan o tutulan ning ninuman karing kekayung kalaban.

Lucas 21:17

Pikasaman da kayu ding sabla king uli ku.

Ding Dapat 12:2

Pepatabtab ne batal i Santiago, ing kapatad nang Juan.

Ding Dapat 7:59

Alang tuknang ing pamamasibas dang batu kang Esteban kabang nganang mamaus king Ginu, Ginung Jesus, tanggapan me ing kanakung kaladua!

Kapahayagan 12:11

Migtagumpe la laban king diablo uli na ning daya ning Kordero at ning pamipatutu ra king katutuan; e ra pitakutan ing mate la.

Kapahayagan 2:13

Balu ku king manuknangan ka king lugal nung nu ya makabili ing tronu nang Satanas. Makanyan man, manatili kang tapat kanaku. E mu tinggian ing kasalpantayanan mu kanaku inyang i Antipas a tapat kung talasuyu pete re ken king balen a panuknanganan nang Satanas.

Kapahayagan 6:9

Inyang biklat ne ning Kordero ing kalimang tatak, ikit ku la king lalam ning altar ding pete ra uli na ning amanu na ning Dios at uli na ning tapat dang pamipatutu kaniti.