Lucas 21:12 - Ing Mayap a Balita Biblia

¹² Bayu malyari iting sabla, pandakpan da kayu at ligaligan. Idala da kayu karing sinagoga ban litisan at ipasukul. King uli ku iyarap da kayu karing ari at karing gobernador.

Lucas 21:12 Iomraidhean Croise

Mateo 22:6

Ding aliwa naman dekap da la ring ipus a tinubud na; penasakit da la at melaus da lang pete.

Mateo 24:8

Ing sablang iti ya ing pamagumpisa na ning kasakitan.

Lucas 21:11

Mika mangasikan a ayun, danup, at salut karing miyayaliwang lugal at ating lunto makapangilabut a bage a mangaragul a tanda a manibat banua.

Juan 15:20

Ganakan yu ing sinabi ku kekayu: E ya maygit ing ipus king panginuan na. Nung ligaligan da ku, ligaligan da kayu naman. Nung tiparan da ing amanu ku, tuparan da naman ing kekayu.

Juan 15:21

Oneng iti ngan daptan da kekayu uli ku; uling e re akikilala ing mitubud kanaku.

Ding Dapat 22:30

Buri nang abalu ning komandante nung nanu ing susumbung da ring Judio laban kang Pablo; inya itang kabukasan pepalako na la ding tanikala nang Pablo at inutus na karing pamuntuk da ring pari at king mabilug a Konsehu ing mipulung la. Kaybat na nita, tiki ne i Pablo at pepayarapan ne karela.

Ding Dapat 5:40

Pepayaus da lang lungub pasibayu ding apostol, at inatulan da lang mabarug latiku. Kaybat, tintuan da lang e na magsalitang pasibayu king lagyu nang Jesus at layun da na lang binulus.

Ding Dapat 8:3

Oneng pilit neng pekisiran Saulo ing iglesia; memunta ya balebale; keladkad na la ding talasalpantaya, babai at lalaki at saka na la pepasukul.

Ding Dapat 9:4

Miragsa ya king gabun at dimdam ne ing metung a siwala a mamaus keya. Ngana, Saulo, baket liligaligan mu ku?

1 Pedro 2:13

Alang-alang king Ginu, pasakup kayu king isanu mang kayupayan a telakad da ring tau: king Emperador a tatalan king kakataskatasan a upaya

Kapahayagan 2:10

E ka mitatakutan karing kaligaligan a malapit nang mapalyari keka. Tandanan mu iti: ipasukul na la ning diablo ding mapilan kekayu. Kapagsubukan iti kekayu at magkasakit kayu kilub ding apulung aldo. Manatili kang tapat angga king kamatayan at ibie ke keka ing korona na ning bie.