Lucas 20:21 - Ing Mayap a Balita Biblia

²¹ Ngara deting ispia kang Jesus, Maestro, balu mi king ustu ing kekayung sasabian at tuturu. E kayu mangabiran kenu man, nune tuturu yu ing katutuan tungkul king buri na ning Dios para king tau.

Lucas 20:21 Iomraidhean Croise

2 Cronica 19:7

Tune pin sana ing tumakut kayu king Ginu; mingat kayu king daraptan yu, uling e na paintulut ning Ginung kekatamung Dios ing milisia ing hustisia o ing pamangabiran o ing pamananggap suhul.

Job 34:19

E ya papakit pamangabiran karing manungkulan ni karing mabandi laban karing kalulu, uling ya ing linalang karela ngan.

Ding Dalit 12:2

Pawang kalaraman ing karelang pisasabian; mapagkunwari la at mapaglinlang.

Ding Dalit 55:21

Ing pamagsalita na tutung masanting, oneng mua ing atyu king pusu na; amanung sasabian na masanting la, oneng mataram lang anting espada.

Mateo 22:16

Kaybat na nita, tiburan da lang makikit kang Jesus ding karelang alagad at ding mapilan a tauan nang Herodes. Ngara kang Jesus, Maestro, balu mi ing tapat kayu at tuturu yu ing sablang katutuan tungkul king kaburian na ning Dios para king tau. E kayu biasang mangabiran kenu man, uling paraparehu mu ing lawe yu karing tau.

Marcos 12:14

Lepitan de at ngara, Maestro, balu mi king tapat ka at e ka mangabiran kenu man uling pante-pante ing lawe mu karing sablang tau. Tuturu mu nung nanu ing kaburian na ning Dios. Labag king Kautusan tamu ing mamayad buis king Emperador ning Roma o ali? Mamayad kame o ali kami?

Lucas 20:20

Inya menaya lang masanting a panuan. Sitsutan da la ring mapilan a tau ban magkunwaring manintun king katuliran at ilang tiburan da ba reng arakap i Jesus king pamagsalita na ban kanita adalum de at miyabie king upaya ning Romanung Gobernador.

Lucas 20:22

Sabian yu na mo kekami nung labag king Kautusan ing mamayad buis king Emperador ning Roma o ali?

Juan 3:2

Misan a bengi, iting lalaki minta ya kang Jesus. Ngana kang Jesus, Maestro, balu mi king metung kang talaturu a menibat king Dios, uling alang makagawa karing milagrung daraptan mu subali mu nung mamantabe ya keya ing Dios.

2 Corinto 2:17

E ra ke kalupa ding aliwa; pangomersyu re ing amanu na ning Dios. Bilang tubud na ning Dios at talasuyu nang Cristo, mitmung katapatan ming panaral ing amanu na.

Galacia 1:10

King pamagsalita kung makanyan, ing kapurian da kaya ding tau ya ing kanakung pagnasan? Ali! Ala kung aliwang pagnasan nune mu ing kapurian na ning Dios! Ing aku mibantug ku karing tau, ya kaya ing pakikuanan ko? Nung yan ya pa ing pakikuanan ku, e na ku kailangan maging talasuyu nang Cristo!

Galacia 2:6

Oneng detang kikilalanan dang pamuntuk, para kanaku, nung ninuman ila, e maulaga kanaku, uling e ya mamatul ing Dios king itsura na ning tau; ala na lang digdag pang bayu king sinabi ku.