Lucas 20:16 - Ing Mayap a Balita Biblia

¹⁶ Ya mismu munta ya karin at pamaten na la detang kasamak at ibie ne karing aliwang kasamak ing ubasan. Inyang dimdam da iti ding tau, sinabi ra, E na na sa paintulut ning Dios kekatamu yan!

Lucas 20:16 Iomraidhean Croise

Mateo 21:34

Inyang miras na ing panaun ning pamamupul ubas, tiburan na la ding ipus na ban tanggapan da karing kasamak ing parti na.

Mateo 21:41

Ngarang mekibat, Siguradu na lang ipapate ding e mayap a taung deta, at ipakisamak ne ing mulahan nang ubas karing aliwang makisamak a munie king parti na king pupul king panaun a karampatan.

Mateo 22:7

Mimua ya ing ari at peparala na la ding sundalus na at pepapate na la ding tampalasan at pepasilab ne ing karelang siudad.

Marcos 12:9

Ngeni, nanu ing isipan yung daptan na ning makibandi king ubasan? nganang kinutang Jesus. Puntalan na la at pamaten at ibie ne ing ubasan karing aliwang makisamak.

Lucas 19:27

Ngeni, tungkul naman karetang kalaban kung e maki buri king maging ari ku karela, idala yu la keni at paten yu la king arap ku!

Lucas 20:15

Inya liwal de king ubasan at pete re. Nanu kaya ing daptan na karela ning makibandi king ubasan?

Ding Dapat 13:46

Oneng lalu lang mesikan a lub migsalita di Pablo at Bernabe. Ngara, Kailangan ing mumuna ming ipanaral kekayu ing amanu na ning Dios. Oneng anti ning tinggian yu at e yu bibilang mangaintulid king bie alang angga ing kekayung sarili, inya akit yu, lakuan da kayu at karing paganu ke munta.

Roma 11:1

Iti naman ngeni ing kukutang ku: Tinggian ne ning Dios ing sarili nang balen? Agyang ditak ali ne! Aku mismu metung kung Israelita, metung kung lahi nang Abraham at miembru na ning tribu nang Benjamin.

Roma 11:11

Inya, ngaku pang kukutang, ngening misakab la ding Judio mangabaldugan kaya king melaus na lang miragsa? Ali! Uling ing karelang pamikasala migdalang kaligtasan karing paganu ban kanita dumiria la karela ding Judio.

Roma 3:31

Nung makanyan malyari ta ne kayang payalan ulaga ing Kautusan uli na ning kasalpantayanan a ite? Ali! E makanyan! Nune tutuparan ta ya ing Kautusan.

Roma 3:4

Kapilan man e malyari iti! Manatili yang tapat ing Dios agyang maglaram la ding sablang tau, antimo ing masasabi king kasulatan, Kailangan kang mayakit matulid king kekang sasabian; sukat kang magtagumpe potang mibili ka king kapagsubukan.

Roma 3:6

Kapilan man e tamu asabi ita! Nung e ya makatuliran ing Dios, makananu neng ayatulan ing yatu?

Roma 6:15

Nanu ngeni? Uli mong ala ta na king lalam nang upaya ning kautusan nune atyu tamu king lalam nang upaya ning grasya, dapat ta nang pamikasala? Ali, e makanyan!

Roma 6:2

E makanyan! Mete ta na king kasalanan, inya makananu tamung manatili pang mabibie king kasalanan?

Roma 7:13

E kasi ing mayap ya ing makirapat king kanakung pangamate? Ali! Ing kasalanan ya ing makirapat kaniti: kesangkapanan ne ning kasalanan ing mayap, at inatdanan na kung kamatayan ban makilala ing tune nang kabaldugan ning kasalanan. Inya, king kapamilatan na ning kautusan, lalu kung akikilala ing makatakut nang dewakan ning kasalanan.

Roma 7:7

Nanu ngeni ing malyari tamung sabian? King ing Kautusan makapalpikasala ya? Ali ya! Nung akilala ku nung nanu ing kasalanan, akilala ku uli na mu ning Kautusan. E ku sana ikuang abalu nung nanu ing manangkamin, nung ing Kautusan e na sinabi, E ka manangkamin.

Roma 9:14

Nanu ing asabi tamu tungkul kaniti? King mangabiran ya ing Dios? Ali ya!

1 Corinto 6:15

E yu wari balu king ding kekayung katawan dake na la ning katawan nang Cristo? Paintulutan ku kaya ing kuanan ke ing metung nang dake ning katawan nang Cristo at gawan keng dake na ning katawan ning babaing magtinda king katawan na? Ali, e malyari!

Galacia 2:17

Nung king pamagkapilit ming kilalanan na keng matulid ning Dios king kapamilatan na ning pangayabe mi kang Cristo, mayakit kaming makasalanan kalupa da ring paganu. Iti kaya mangabaldugan king i Cristo ya ing tinaid kekami king pamikasala? Imposibling malyari ita!

Galacia 3:21

Ing buri na waring sabian niti king ing Kautusan laban ya king pengaku na ning Dios? Ali; buri namung sabian king nung makaibie yang bie ing Kautusan, malyari na lang pawalan kasalanan ning Dios king pamanupad da king Kautusan.

Galacia 6:14

Para kanaku, ing bukud mung apagmaragul ku ya ing krus na ning Ginu tamung Jesu-Cristo; uling king kapamilatan na ning krus na, ing yatu mete ne para kanaku at aku mete na ku king yatu.