Lucas 2:7 - Ing Mayap a Balita Biblia

⁷ At beit ne ing pangane nang anak a lalaki. Binalut neng lampin at kinera ne king lilibangan, uling alang lugal para karela king pipaglayunanan.

Lucas 2:7 Iomraidhean Croise

Genesis 42:27

Pangabengi, inyang tuknang la ban magpaynawa, biklat ne ning metung karela ing saku na ban kumang pamangan para king asno na. Ikit na la kilub ning saku ding salaping pemayad na.

Genesis 43:21

karas mi king lugal pipagpaynawan biklat mi la ring kekaming saku at ikit mi la ding pemayad mi karing sarasarili ming saku, at e la mebawas. Oreni; darala mi la ban ibalik kekayu. E mi balu nung ninung mibili karing salapi mi karing kekaming saku.

Ding Dalit 22:6

Balamu e na ku tau nune anti kung ulad a tatabi da, at pikakasaman ding memalen!

Exodo 4:24

Kanitang papunta la Ehipto, kabang paynawa la pintalan ne ning Ginu i Moises at pignasan neng paten.

Isaias 7:14

Ing Ginu mismu munie yang metung a tanda para kekayu. Muktut ya ing metung a kayanakan a babai at manganak yang metung a lalaki at ing maging lagyu na Immanuel.

Mateo 1:25

Oneng e ne teginan i Maria angga na king beit ne ing metung a anak a lalaki a pemalagyuan nang Jesus.

Mateo 13:55

E wari anak nia mu ning metung a kalpinteru? Aliwa wari i Maria i ima na, at ding kapatad na ila di Santiago, Jose, Simon, at Judas?

Mateo 8:20

Nganang mekibat Jesus, Atin lang lunggang pisuluran ding asung-gubat at atin lang sale ding ayup, oneng ing Anak ning Tau ala ya mang apipagpaynawan.

Lucas 10:34

Lepitan ne at tigtugan na lang laru at alak ding sugat na at saka na la tinali. Kaybat seke ne king asno na at dela ne king bale pipaglayunanan at sinese ne karin.

Lucas 2:6

Kabang atyu la karin, miras ing oras ning pamanganak nang Maria.

Lucas 2:8

King sakup na mu rin ning lugal a ita, ating pastul king marangle. Lalamayan da lang babanten ding tupa ra.

Juan 1:14

Meging tau ya ing Amanu at mekipanuknangan ya kekatamu. Ikit mi ing kamalan na a mitmung lugud at katutuan, ing kamalan a mangaintulid mung bukud king bugtung nang Anak ning Ibpa.

2 Corinto 8:9

Balu yu nung nu anti karagul ing lugud na kekatamu ning Ginu tamung Jesu-Cristo. Agyamang mabandi ya, meging pakakalulu ya alang-alang kekayu ban mibandi kayu king kapamilatan na ning kakaluluan na.

Galacia 4:4

Oneng inyang miras na ing mituldung panaun, tinubud ne ning Dios ing Anak na. Mibait ya king metung a babai, at mibiebie ya lalam nang upaya ning Kautusan da ring Judio,