Lucas 2:47 - Ing Mayap a Balita Biblia

⁴⁷ Mengapamulala la ding sablang mekaramdam kang Jesus king kabiasnan na at pakibat.

Lucas 2:47 Iomraidhean Croise

Ding Dalit 119:99

Maygit ing pamanalastas ku kesa karing kakung talaturu, uling kaku lang pagaralan ding kekang tuntunan.

Mateo 13:54

at migbalik ya king sarili nang balen. Tinuru ya king karelang sinagoga. Mengapamulala la ding mekaramdam kang Jesus. Nukarin na ibat ing anti kanyan a kabiasnan? ngarang kinutang. Makananu yang makarapat kareting milagru?

Mateo 22:33

Mengapamulala la ding dakal a taung mekaramdam king tuturu na.

Mateo 7:28

Inyang ayari nang Jesus ing sasabian na, mengapamulala la ding tau king pamanuru na.

Marcos 1:22

Pigmulalan de ring tau, uling tinuru ya karelang mitmung kayupayan; e re kalupa ding talaturu ning Kautusan.

Marcos 11:18

Dimdam da iti ding pamuntuk da ring pari at ding talaturu ning Kautusan. Inya megumpisa lang menintun paralan ban apapate re i Jesus. Tatakut la kang Jesus uling mangapamulala la ding dakal a tau king turu na.

Marcos 6:2

Karas na ning Aldo ning Sabbath, megumpisa yang tinuru king sinagoga. Mengapamulala la ding dakal a taung mekaramdam kang Jesus. Ngarang sinabi, Nukarin na ngan ibat yan? Nanung kabiasnan ing miyabie keya? Makapagmulala ing daraptan na!

Lucas 2:18

At mipamulala la ding sablang mekaramdam king belita da ring pastul.

Lucas 2:46

King katlung aldo, ikit de kilub ning Templo; makalukluk yang kayabe da ring Judio a talaturu, makiramdam ya at mangutang karela.

Lucas 4:22

Ikua na la ngan kapanamdaman at pigmulalan da ing sintingan na ning sinabi na. Ngara, Aliwa wari iti ing anak nang Jose?

Lucas 4:32

Meniglo la ngan king pamanuru na uling ing pamagsalita na ating kayupayan.

Juan 7:15

Pigmulalan da iti ding pamuntuk da ring Judio. Ngarang sinabi, Makananu yang mebiasa ing taung iti kabang e ne man megaral?

Juan 7:46

Mekibat la, Ala pang taung miniabing anti ing taung iti!