Lucas 2:4 - Ing Mayap a Balita Biblia

⁴ Manibat Nazaret, Galilea, minta ya i Jose king Betlehem, Judea, ing balen a beitan nang David, uling ibat ya i Jose king lahi nang David.

Lucas 2:4 Iomraidhean Croise

Genesis 35:19

Mete ya i Raquel at mikutkut ya king lele dalan papunta Efrata a ngeni ya ing Betlehem.

Genesis 48:7

Kanitang ibat ku Padan, e ke pa man miras Efrata mete ne i Raquel a ima mu kabang maglakbe kami king sakup ning Canaan. Tutu kung penamdaman iti. Kitkut ke ketang papunta Efrata (ya mu rin ing Betlehem ngeni).

Mikeas 5:2

Nganang sasabi ning Ginu, Betlehem Efrata, metung ka karing malating diling balen na ning Juda, oneng keka ya lunto ing metung a manimuna para king Israel. Malyaring akit me ing pamilya na king metung a pamilyang atyu na kanita pang minumang panaun.

Mateo 1:20

Kabang isipan na ing makanyan, pepakit ya king paninap ing metung a anghel ning Ginu. Ngana, Jose a lahi nang David, e ka tatakut balausnan pakasalan i Maria, uling ing kagli na milyari ya king kapamilatan na ning upaya ning Banal a Espiritu.

Mateo 2:23

Karin na la tiknang ding mi-ima, king metung a balen a mayayaus Nazaret. King anti kanitang paralan karin metupad ing amanung mesabi king kapamilatan da ring propeta. Meyaus yang Nazareno.

Lucas 2:3

Inya minuli ya ing balang metung king sarili nang balen ban palista.

Lucas 2:5

Kayabe neng minuli i Maria a maging asawa na ban palista munaman. Miyaldo ne kanita.

Lucas 4:16

Kaybat na nita, mibalik ya Nazaret i Jesus, ing lugal nung nu ya meragul. King Aldo ning Sabbath, antimo ing ugali na, minta ya king sinagoga. Tinalakad ya ban mamasa karing Kasulatan.

Juan 1:46

Nganang kinutang Nathanael, Atin waring mayap a lunto Nazaret? Mekibat ya i Felipe, Tara, lawan mu.

Juan 7:42

Sasabian na ning kasulatan king ing Cristo manibatan ya king lahi nang David at manibatan ya Betlehem, ing balen nung nu ya menuknangan i David.

Ruth 1:19

Sindu ra ing pamaglakbe ra. Inyang miras la Betlehem, mipamulala la ding taung menakit karela. Ngarang mikukutnanan ding babai, Aliwa i Naomi ita?!

Ruth 2:4

Mipaintagun king dinatang ya i Boaz a menibatan Betlehem. Ngana karing taung papalut, Mantabe ya kekayu ing Ginu. Bendisyunan na ka sa ning Ginu, ngara namang mekibat.

Ruth 4:11

Ngara ding makatua at ding aliwa, Wa, testigu kami ngan. Bendisyunan ne sa ning Ginu ing maging asawa mu antimo ing pamamendisyun na kang Raquel at Lea, at uli ra linto ya ing Israel. Mibandi ka sa king Efrata at maging mayupaya king Betlehem.

Ruth 4:17

Ding babaing kasiping dang bale inaus deng Obed ing anak. Pemalita na ning metung at metung karela king mika apu yang anak a lalaki i Naomi. I Obed ya ing tata nang Jese, at i Jese naman ya ing tata nang David.

1 Samuel 16:1

Ngana ning Ginu kang Samuel, Angga kapilan me tangisan i Saul ngening ikit mung leko ku na ing panga-ari na king Israel? Katmuan meng laru ing kekang lulanan at puntalan me i Jese ning Betlehem uling pinili ke ing metung karing anak na ban maging ari.

1 Samuel 16:4

Tiparan nang Samuel itang parapat na ning Ginu at minta ya Betlehem. Inyang miras ya Betlehem seganan de ring makatua na ning siudad. Mitakutan la deti at ngarang kinutang, Mayap namu dinatang kayu?

1 Samuel 17:12

Anak ne ning metung a lahi nang Efratite ning Betlehem ning Juda i David. Jese ya lagyu i tata na at walu lang lalaki ding kapatad nang David. Matua ne i Jese kanitang kapanaunan nang Saul.

1 Samuel 17:58

Nganang Saul kang David, Kayanakan, kenu ka anak? Pekibat nang David, Anak na ku pu ning talasuyu yung i Jese ning Betlehem.

1 Samuel 20:6

Nung panintunan na kung tata mu, kanita sabian mu king mekisabi kung mayap muli king Betlehem a balen mi. Karin balang banua mamain yang ain-sakripisyu ing mabilug ming pamilya.