Lucas 2:34 - Ing Mayap a Balita Biblia

³⁴ Binendisyunan na lang Simeon at ngana kang Mariang ima nang Jesus, Pinili ne ning Dios iting anak para king kapahamakan at king kaligtasan da ring dakal king Israel. Makatalaga yang maging tanda a ibat king Dios; oneng insultuan de ring dakal a tau.

Lucas 2:34 Iomraidhean Croise

Genesis 14:19

Mananu na sanang i Abram bendisyunan ne ning Dios a Kakataskatasan a miglalang king banua at yatu.

Genesis 47:7

Kanita linub neng Jose i Jacob a tata na at dela arapan na ning ari. Binendisyunan neng Jacob ing ari.

Exodo 39:43

Siniasat na ngan Moises at ikit na king gewa ra ngan, agpang king inutus na ning Ginu. At binendisyunan na lang Moises.

Isaias 8:18

Atyu ku kening kayabe da ring anak a binie na ning Ginu kanaku. Ing Ginung Mayupaya a makatronu king Bunduk ning Zion, tinubud na kami bilang mabie nang mensahi para karing memalen na ning Israel.

Hosea 14:9

Sana aintindian da ring biasa ing misulat keting libru, at isikap da karing pusu ra. Matulid la ding paralan na ning Ginu at ding matulid a tau tutukian da la king pamibiebie ra, oneng mitakid la at misakab kareti ding makasalanan.

Mateo 11:19

Dinatang ya ing Anak ning Tau, mamangan ya at miminum, at ngara namang sinabi, Lawen ye ing taung matako at lasenggo! Makipagbarkada ya karing talapanyingil buis at karing makasalanan! Makanyan man, mipatunayan ing kabiasnan na ning Dios king kapamilatan na ning bubunga na.

Mateo 12:46

Kabang magsalita ya pa i Jesus karing dakal a tau, dinatang ya i ima na at ding kapatad na. Manenaya la king lual; buri deng akasabi. [

Mateo 21:44

Mangapile ya ing ninumang mitakid king batung iti, at mangarunut ya ing ninumang dugpan na ning batung iti.]

Mateo 27:63

at ngara, Ginung Gobernador, atatandanan mi pu ing sinabi na nitang mapaglinlang a ita kanitang mabie ya. Sinabi na king subli yang mie kaybat da ring atlung aldo.

Lucas 2:35

Makanyan mibulalag ing isipan ding dakal. At sugatan ne ing pusu mu ning kalungkutan a kasing taram ning metung a punyal.

Juan 3:20

Uling kasaman da ring darapat e mayap ing sala at e la lalapit king sala ban e mayakit ing karelang dapat.

Juan 5:18

Inya lalu reng pigkapilitan paten ding Judio uling e mu ing lebagan ne ing Aldo ning Sabbath, nune ausan ne pang Ibpa na ing Dios. Nanupata, makipante ya king Dios.

Ding Dapat 13:45

Panakit da ring Judio karing dakal a tau, tiblan na la ning maragul a pangalalu. Inya migsalita lang laban king sasabian nang Pablo at ininsultu de pa.

Ding Dapat 17:6

Inyang e da la akit, i Jason at ding mapilan pang aliwang talasalpantaya ilang keladkad da at inarap karing makikayupayan king siudad. Ngarang kukulisak, Mangulu la ding taung deti nukarin la man miras! At ngeni dinatang la king kekatamung siudad,

Ding Dapat 24:5

Ikit-ikit mi king ing taung ini nung wari sana, meging metung yang sakit a mapanganib; nu ya man miraras a suluk keti king yatu guguluan na la ding Judio at metung yang manimuna king sekta da ring Nazareno.

Ding Dapat 28:22

Oneng bisa keng makaramdam karing kekang pamalak uling balu mi king nukarin mang lugal magsalita la ding tau laban kaniting sektang kayayaniban mu.

Ding Dapat 4:26

Ding ari keti king yatu magsadia la, at ding pamuntuk mipupulung la laban king Ginu at king Pinili na?

Ding Dapat 6:7

Makanyan sinulung ing pamikalat king amanu na ning Dios. Merakal na lang merakal ding alagad karin Jerusalem, at dakal la ding pari a tinanggap king kasalpantayanan.

Roma 9:32

Nanu ing meging sangkan? E la menalig king kasalpantayanan, nune ketang sariling dapat da. Mitisud la king batung makatisud

1 Corinto 1:23

Oneng ikami ipanaral mi ya i Cristo a mipaku king krus; ing aral a makatakid karing Judio, at kamangmangan para karing paganu.

Hebreo 7:1

Iting Melkisedek ya ing ari na ning Salem at pari ne ning Kakataskatasan a Dios. Kanitang i Abraham pa-uli yang ibat king labanan nung nu na la apate ding ari, selubungan neng Melkisedek at saka ne binendisyunan.

Hebreo 7:7

Alang pamagduda king ing mamendisyun maygit ya degulan kesa king bibendisyunan na.

1 Pedro 4:14

Kapalad yu nung palmuran da kayu uli na ning alagad na kayung Cristo, uling iti mangabaldugan king ing Espiritung babie ligaya, ing Espiritu na ning Dios, manatili ya kekayu.

1 Samuel 2:20

Bibendisyunan na no mang Eli i Elkana at ing asawa na. Ngana, Dinan na ka pa sanang anak ning Ginu king babaing iti bilang kalibe ketang penata na king Ginu. Kaybat na nita muli na la.