Lucas 2:32 - Ing Mayap a Balita Biblia

³² Metung a sala a pakilala king kekang dalan karing paganu, at munie dangalan king Israel a kekang balen.

Lucas 2:32 Iomraidhean Croise

Ding Dalit 85:9

Tutu yang makasadiang magligtas ing Dios karetang ating takut, at kanita king kekatamung bansa manatili ing lingap na.

Isaias 11:10

Datang ing aldo potang ing bayung aring ibat king lahi nang David maging tanda ya para karing sablang bansa. Mitipun la ding bansa king banal a siudad at parangalan de.

Isaias 4:2

Ing panaun datang potang ing Ginu gawan na lang maragul at malabung ding sablang tanaman at dutung ning bansang Israel. Tumula la ding sablang taung mitagan at ipagmaragul da ing bubunga na ning gabun.

Isaias 45:25

Aku, ing Ginu, kaku lang iligtas ding sablang lahi nang Israel, at kaybat aku ing purian da.

Isaias 49:6

Ngana kaku ning Ginu, Kakung talasuyu, atin kung mas maragul a paobra keka; e mu ing ibalik mu ing dangalan ding mitagan a memalen ning Israel, nune gawan da ka namang sulu para karing sablang bansa, ban ing mabilug a yatu miligtas ya.

Isaias 49:9

Sabian ku karing makasukul, Mako na kayu. Malaya na kayu! At sabian ku karetang atyu king karalumduman, Lumual na kayu keni king masala! Mangari la karing tupang manyibsiban karing bunduk-bundukan;

Isaias 51:4

Makiramdam kayu kaku, O taung kakung pinili, makiramdam kayu king kakung sabian: Babie ku ing amanu ku karing bansa; anting sala ning aldo ing iyatad da ring kautusan ku karela.

Isaias 60:19

E mu ne maging sulu ing aldo king kayaldawan o ing bulan neng kabengian. Aku, ing Ginu, ing maging sulu mung alang kapupusan; ing sala ning kakung ligaya ya ing sunlag keka.

Isaias 9:2

Menakit lang sulung maragul ding taung linakad king dalumdum. Menuknangan la king lugal a madalumdum, oneng ngeni ing sala saslag ya karela ngan.

Jeremias 2:11

Ala pang bansang menalili karing kikilalanan nang dios agyang e la tutu. Oneng ding taung kakung pinili pekilibe da ku, ing Dios a minie dangalan karela, karing e tutung dios a alang arapat mayap karela.

Zacarias 2:5

Pengaku na ning Ginu king ya mismu ing maging bakud a api a magpadurut king siudad ban idipensa ne, at king sabla nang kamalan karin ya manuknangan libutad da.

Mateo 4:16

Ding taung manuknangan king kadalumduman menakit lang maragul a sala! Karing manuknangan king anino ning kamatayan karela sunlag ya ing sulu!

Lucas 2:10

Oneng ngana ning anghel karela, E kayu mitatakutan! Uling pagdala da kayung mayap a balita a munie maragul a tula karing sablang tau.

Lucas 2:31

a kekang sidia king arapan ding sablang bansa.

Ding Dapat 26:23

king ing Cristo sukat yang dumalan kasakitan at ya ing maging peka mumuna karing mipasublian mie ban ihayag na ing sala na ning kaligtasan karing Judio at karing paganu.

Ding Dapat 28:28

Nganang Pablo, Sukat yung abalu king ing amanu na ning Dios tungkul king kaligtasan mipayabut na karing paganu at pakiramdaman da! [

1 Corinto 1:31

Inya, antimo ing sasabian na ning kasulatan, Ing ninumang bisang magmaragul, sukat nang ipagmaragul ing depat na ning Ginu.

Kapahayagan 21:23

E ne kailangan ing aldo o bulan ban aslagan ne ing siudad uling saslag karin ing ligaya na ning Dios at ing Kordero ya ing sulu.