Lucas 2:26 - Ing Mayap a Balita Biblia

²⁶ Pepabalu na kang Simeon ning Banal a Espiritu king e ya mate anggang e ne akit ing Cristo a pengaku na ning Ginu.

Lucas 2:26 Iomraidhean Croise

Ding Dalit 2:2

Ari keting yatu abe-abe la, at e mayap ing buri da; karelang mamuntukan mipupulung la; ing Ginu ya'ng buri dang labanan at ing aring pinili na.

Ding Dalit 2:6

King Zion a bunduk kung banal, ing kakung ari karin ke likluk.

Ding Dalit 25:14

Kakaluguran na la ning Ginu ding mamintu karing utus na, at karela pabalu nang kasunduan na.

Isaias 61:1

Kitmuan na ku ning Ginung Dios king espiritu na. Pinili na ku at tinubud ban karing kalulu mayap a balita iyatad ku, ban uluan lang pusung sugatan, ban ihayag karing bihag ing pangaligtas da at ing kalayaan karing atyu king sukulan.

Amos 3:7

Kapilan man e ya darapat nanuman ing Ginung Dios a e no mo sa pepabaluan king planu na ding propetang talasuyu na.

Mateo 2:12

Meyaus ing karelang pansin king kapamilatan ning metung a paninap king e na la magbalik pa kang Herodes. Inya menaliwa lang dalan ding Mangabiasa king pamagbalik da king karelang bansa.

Lucas 2:29

Ginu, ngening tiparan mu ing kekang pangaku, paburen mu neng paynawa ining kekang talasuyu.

Lucas 9:27

Sasabian ku kekayu king ating mapilan keti a e mate anggang e re akit ing Kayarian ning Dios.

Juan 1:41

Kanita mu rin penintun neng Andres i Simon a kapatad na. Inyang ikit ne, sinabi na kang Simon, Atagpuan mi ya ing Mesiya (ngana wari, ing Cristo).

Juan 20:31

Misulat la ding atyu keting libru ban maniwala kayu king i Jesus ya ing Cristo, ing Anak ning Dios at king pamaniwala yu mika bie kayu king kapamilatan na.

Juan 4:29

Tara at lawan ye ing lalaking sinabi kanaku king sablang depat ku. Ya na kaya ing Cristo?

Juan 8:51

Ing katutuan sasabian ku kekayu: ing tutupad king tuturu ku e na takman kapilan man ing kamatayan.

Ding Dapat 10:38

Balu yu itang tungkul kang Jesus ning Nazaret; nung makananu neng linanian ning Dios king Banal a Espiritu at king upaya. Uling ing Dios atyu keya minta ya karing sablang lugal darapat mayap at pakayap karing sablang inalipnan na ning diablo.

Ding Dapat 17:3

pepalino na la at ginamit na lang peka prueba king ing Cristo a mipangakung datang sukat yang dumalan kasakitan at kaybat deng pete, subli yang mie. Nganang Pablo, Iting Jesus a ipanaral ku kekayu, ya ing Cristo.

Ding Dapat 2:36

Uli na niti, kailangan dang abalu ding sablang memalen ning Israel king masalang tutu king iting Jesus, ing pinaku yu king krus, ya ing gewa nang Ginu at Cristo ning Dios!

Ding Dapat 9:20

Minta yang agad-agad karing sinagoga at megumpisa yang menaral tungkul kang Jesus. Ngana karing tau, Ya ing Anak ning Dios.

Hebreo 11:5

Uli na ning kasalpantayanan nang Enoc, king lugal mate ya, mitas ya at miras king Dios. Ala nang bitasang menakit keya uling dela ne ning Dios babo. Sasabian na ning Kasulatan king kanitang bayu ya midala banua i Enoc, peligayan ne ing Dios.