Lucas 2:25 - Ing Mayap a Balita Biblia

²⁵ Ating metung a lalaking manuknangan karin Jerusalem, ing lagyu na Simeon. Metung yang taung mayap at ating takut king Dios. Panayan na ing pangaligtas na ning Israel. Ing Banal a Espiritu atyu kang Simeon.

Lucas 2:25 Iomraidhean Croise

Genesis 6:9

Oyni ing istoria na ning pamilya nang Noe. Tau yang makatuliran i Noe, at ala yang kapintasan ketang panaun na. Mapamintu ya king Dios.

Job 1:1

Ating metung a lalaki king sakup ning Uz a milagyuan Job; ala yang kapintasan at makatuliran ya. Metung yang taung ating takut king Dios at mangilag king e ustu.

Job 1:8

Ngana ning Ginu kang Satanas, Apansingan mu ne ing talasuyu kung i Job? Ala kang akit kalupa na king yatu. Tau yang alang kapintasan at makatuliran; atin yang takut king Dios at mangilag ya king nanumang e ustu.

Isaias 25:9

Potang mapalyari na iti, sabian na ning balang metung, Ya ing kekaming Dios! Binili mi ing kapanaligan mi king Dios at linigtas na kami. Ya ing Ginu. Binili mi ing kapanaligan mi king Dios at matula kami ngeni ampon masaya uling linigtas na kami!

Isaias 40:1

Nganang sasabi ning kekatamung Dios, Paligayan yu la ding taung kakung pinili. Paligayan yu la!

Mikeas 6:8

Ali! Sinabi na na ning Ginu kekatamu nung nanu ing mayap. Ing pakiduang na kekatamu ning Ginu ya ini: daptan itang matulid, ipakit ing lugud a e kukupas, at mibiebie king mapagpakumbabang pamakiabe king kekatamung Dios.

Ding Bilang 11:25

Kaybat tinipa ya king biga ing Ginu at migsalita ya kang Moises. Kinangwa ya ketang espiritung binie na kang Moises at binie na karing pitung pulung manimuna. Inyang tinggap de ing espiritu, megumpisa lang migsalitang anting propeta, oneng ita e naman migluat.

Ding Bilang 11:29

Nganang Moises, Pigaganakan mu ing mabawas ku dangalan? Nung malyari mu sana midinan la king espiritu ding sablang Israelita ban magsalita lang anting propeta!

Lucas 1:41

Inyang dimdam nang Elizabeth ing pamagmananu nang Maria, ginalo ya ing anak king atian na. At i Elizabeth, kitmuan king Banal a Espiritu,

Lucas 1:6

Mibiebie la deting miyasawa king mitmung kayapan king arapan na ning Dios. Mapamintu lang lubus karing kautusan at tuntunan a ibat king Ginu.

Lucas 1:67

I Zacarias, ing tatang nang Juan, mikatmuan ya king Banal a Espiritu at nganang migsalita,

Lucas 2:38

Ketang oras munamang ita, dinatang ya at pepasalamat king Dios. Migsalita ya tungkul king anak para karetang manaya king pamagligtas na ning Dios king Jerusalem.

Ding Dapat 10:2

Metung yang taung relihiosu; ya at ing mabilug nang pamilya sasamba la king Dios. Dakal ya depat ban misaupan la ding Judio at parati yang manalangin king Dios.

Ding Dapat 10:22

Ngarang mekibat, Tinubud na kami ning Kapitan Cornelio. Metung yang taung mayap a makitakut king Dios at gagalangan ne ning mabilug a bansang Judio. Sinabi na keya ning banal a anghel ning Dios ing kumbiran na kayung munta keta king bale na ba nang pakiramdaman ing nanumang sabian yu.

Ding Dapat 2:5

Ating Judio kanita karin Jerusalem; talasamba la king Dios at menibatan la karing miyayaliwang bansa na ning yatu.

Ding Dapat 24:16

Inya daraptan ku ing sablang agyu ku ban manatili kung maki malinis a konsiensia arap ning Dios at ding tau.

Deuteronomio 18:15

Mitubud yang propetang kalupa ku. Manibat ya mismu kekayu; ya ing pakiramdaman yu.

2 Pedro 1:21

uling e menibatan ing ula da ring propeta king kaburian na ning tau, nune menibat mismu king Dios at sinabi da ring taung pepakimutan na ning Banal a Espiritu.