Lucas 2:14 - Ing Mayap a Balita Biblia

¹⁴ Ligaya king Dios king kakataskatasan, at keti sulip kapayapan karetang taung katulan na!

Lucas 2:14 Iomraidhean Croise

Isaias 44:23

Kulisak ka king tula, O matas a banua! Kulisak kayu, ikong lugal a mangalalam ning yatu! Kulisak kayu king tula, ikong bunduk at ing balang tanaman ning kagubatan! Uling linigtas ne ning Ginu ing Israel a keyang balayan, at pepakit nang upaya na.

Isaias 49:13

Magkanta kayu, ikong banua! Yatu, kulisak ka king tula! Paburen lang magkantang masikan ding bunduk! Pamatulan na la ning Ginu ding taung pinili na; malunus ya king karelang kasakitan.

Isaias 57:19

Iyaluk ku karela ing kapayapan, karing atyu king makalapit at ding king marayung lugal! Uluan ku la ding memalen ku.

Mikeas 5:5

at patupad na ing kapayapan. Potang salakayan da ne ring tau Asiria ing bansa tamu at akua ra nang milub king pader tamu, isagupa ta la karela ding pekamasikan tamung manimuna ban lumaban karela.

Mateo 21:9

Ding tutung dakal a taung lalakad makauna kang Jesus at ding atyu king kagulutan na sinabi rang masikan: Purian ya ing Anak nang David! Bendisyunan ne sa ning Dios ing daratang king lagyu na ning Ginu! Purian ya ing Dios!

Lucas 1:79

at ibat banua sunlag ya karing atyu king karalumduman, at karing atyu king lilung ning kamatayan ban ituntun na katamu king dalan ning kapayapan.

Lucas 19:38

Ngara, Bendisyunan ne sa ning Dios a daratang king lagyu na ning Ginu! Kapayapan karin banua at ligaya king Dios!

Lucas 2:13

At bigla yang meyakit siping na ning anghel ing metung a maragul a grupu ding anghel banua. Ngarang pupuri king Dios,

Lucas 2:15

Inyang migbalik na la banua ding anghel, ngara ding pastul king metung at metung, Tara munta tamu Betlehem ban akit tamu iting mepalyaring balita na kekatamu ning Ginu.

Lucas 3:22

At tinipa ya ing Banal a Espiritu a anting patipati at tinuklu ya kang Jesus. Nganang sinabi ning metung a siwalang ibat banua, Ika ing Anak kung pakamalan; mipaligayan kung tutu keka.

Juan 14:27

Ing kapayapan lalakuan ku kekayu; ing kanakung kapayapan babie ku kekayu, ing kapayapan a e na kalupa ning babie ning yatu. E kayu sukat mababalisa o mitakutan man.

Juan 17:4

Pepaligayan da ka keti king yatu; inari ku ing obrang pepagawa mu kanaku.

Juan 3:16

Uli na ning maragul nang lugud ning Dios king yatu binie ne ing bugtung nang Anak ban ing ninumang maniwala keya e ya mate nune mirinan yang bie alang angga.

Ding Dapat 10:36

Balu yu king pepabalu na ning Dios ing amanu na karing memalen na ning Israel, at mipasiag karela ing Mayap a Balita na ning kapayapan king kapamilatan nang Jesu-Cristo a Ginu da ring sablang tau.

Roma 5:1

Inya ngening mipatawaran na ing kasalanan tamu king kapamilatan na ning kasalpantayanan, mika kapayapan tamu king Dios king kapamilatan na ning Ginu tamung Jesu-Cristo.

Efeso 1:6

Purian ta ya uli na ning maragul nang grasyang regalu na kekatamu king kapamilatan na ning pakamalan nang Anak!

Efeso 1:9

ban lubus tamung aintindian ing makalihim nang parasan. Iti ya ing parasan a daptan na king kapamilatan nang Cristo.

Efeso 2:4

Oneng tutu ping dakal ing lunus ning Dios at maragul ing lugud na kekatamu,

Efeso 2:7

Depat na iti ban karing daratang a panaun apakit na ing alang sukad nang degulan ning grasya na king lugud a pepakit na kekatamu king kapamilatan nang Cristo Jesus.

Filipos 2:11

At ding sabla karelang ipasiag king i Jesu-Cristo Ginu ya, king ikaligaya na ning Dios Ibpa.

Filipos 2:13

uling e tutuknang darapat ing Dios kekayu ba yung burian at atuparan ing malugud nang parasan.

Colosas 1:20

King kapamilatan na ning Anak, tinggap ne ning Dios king sarili na ing meto sikluban. Tinatag na ning Dios ing kapayapan king kapamilatan na ning Anak nang mipaku king krus. Uli na niti, ikua nang abalik ning Dios king sarili na ing sablang bage, maging ing keti king yatu at maging ing karin king banua.

2 Tesalonica 2:16

Mananu na sanang paligayan na katamu ning Ginu tamung Jesu-Cristo at ning kekatamung Dios a Ibpa a malugud kekatamu, at king kapamilatan na ning grasya na dinan na katamung alang anggang sikanan lub at mayap a kapanayan.

Kapahayagan 5:13

At dimdam ku lang magkanta ding lelangan a atyu banua, king yatu, king lalam ning yatu, at ding atyu king dagat, ding sablang lelangan king mabilug a sikluban, King makalukluk king tronu at king Kordero, miyabie ing dangal, ligaya, kapurian, at upaya angga king kapilan pa man!