Lucas 2:13 - Ing Mayap a Balita Biblia

¹³ At bigla yang meyakit siping na ning anghel ing metung a maragul a grupu ding anghel banua. Ngarang pupuri king Dios,

Lucas 2:13 Iomraidhean Croise

Genesis 28:12

Meninap ya; ikit ne king paninap na ing metung a eran; makatalakad ya iti king gabun at mamabut ya banua. Tipa-manik la king eran ding anghel na ning Dios. ...ikit ne king paninap na ing metung a eran; makatalakad ya iti king gabun at mamabut ya banua.

1 Ari 22:19

Tiglus nang Micaia ing pamagsalita na. Ngana, Pakiramdaman mu sana ing sasabian na ning Ginu! Ikit ke ing Ginu, makalukluk ya king tronu na karin banua a abe ding sablang anghel na at makatalakad siping na.

Job 38:7

King munag sumala ning aldo a ita ding batuin miyabe-abe lang migkanta, at ding lelangan ning banua mengulisak la king tula ra.

Ding Dalit 148:2

Purian ye, ikong sablang anghel na; purian ye, ikong sablang sundalus na banua.

Ding Dalit 68:17

Kayabe ding libu-libu nang matibe karung panggera king Sinai ing Ginu meko ya, ban king banal a lugal ya munta.

Ezekiel 3:12

Kanita tinas na ku ning espiritu na ning Dios at dimdam ke ing dabeung ning masikan a siwala. Ngana, Purian ing ligaya na ning Ginu king banua!

Daniel 7:10

at lulual ing metung a mamagus anting batis a api. Ating libu-libung tau karin ban sumuyu at milyun-milyun la na naman ding taung pakatalakad king arapan na. Megumpisa ing pisasabian king husgadu at mibuklat la ding libru.

Lucas 15:10

Sasabian ku kekayu king makanyan munamang mika kasayahan karing anghel na ning Dios uli na ning makasalanan a sisisi at painggulut king kasalanan na.

Lucas 2:12

Ing tanda kaniti ya ini: manakit kayung metung a bingut a makabalut lampin at makakera king lilibangan.

Lucas 2:14

Ligaya king Dios king kakataskatasan, at keti sulip kapayapan karetang taung katulan na!

Efeso 3:10

ban king kapamilatan na ning iglesia mipakilala ngeni karing pamuntuk at karing kayupayan karin banua ing alang anggang kabiasnan na ning Dios a mipabalu king miyayaliwa nang aske.

1 Timoteo 3:16

Tune ping malalam ing misteryo na ning kekatamung relihiun: Pepakit ya king porma ning tau, pepatutuan ne ning Espiritu, at ikit de ring anghel. Mipanaral ya king mabilug a yatu, peniwalan de ring sablang tau, at minukiat ya banua.

Hebreo 1:14

Nung makanyan, nanu la pin mo ding anghel? Pawa lang espiritung susuyu king Dios, at tutuburan nang sumaup karing sablang tanggap kaligtasan.

1 Pedro 1:12

Pepabalu na ning Dios kareting propeta king ing karelang obra e para king sarili dang kapakanan nune para kekayu. Pepakilala na iti inyang migsalita la tungkul karing katutuan a ngeni kekayu nang dimdam karing talapanaral na ning Mayap a Balita. Menaral la kekayu kapamilatan na ning Banal a Espiritung miyabie karela ibat banua. Ila naman ding sinabi kekayu karing mesabing katutuan, ding katutuan a mismung ding anghel buri dang apaki-intindian.

Kapahayagan 5:11

Pasibayu kung linawe at dimdam ku ing siwala da ring dakal at laksa-laksang anghel! Makapadurut la king tronu, karing apat a mabie lelangan at karing makatua.