Lucas 2:12 - Ing Mayap a Balita Biblia

¹² Ing tanda kaniti ya ini: manakit kayung metung a bingut a makabalut lampin at makakera king lilibangan.

Lucas 2:12 Iomraidhean Croise

2 Ari 19:29

Kaybat nganang Isaias kang Aring Hezekia, Oyni ing tanda ning bage mapalyari kaniting banuang salukuyan at king tutuking banua. Ing bukud mung kanan ya ing kabud na tinubu, oneng king tutuking banua makatanam kang trigu at pupulan mu at makatanam ka namang ubas at makapangan ka karing bunga ra.

2 Ari 20:8

Kanita kitang nang Aring Hezekia, Nanung tanda a ing Ginu pakayapan na ku at kaybat ning atlung aldo malyari na kung munta king Templo?

Ding Dalit 22:6

Balamu e na ku tau nune anti kung ulad a tatabi da, at pikakasaman ding memalen!

Exodo 3:12

Ngana ning Dios, Patnubayan da ka at oyni ing tanda king aku ing mitubud keka. Potang ikua mu na lang alual Ehipto ding Israelita, samban yu ku keting bunduk.

Isaias 7:11

Aduan mu king Ginung kekang Dios king dinan na kang metung a tanda. Malyaring manibatan ya iti king kalalaman na ning lugal da ring mete o kaya king matas a banua.

Isaias 7:14

Ing Ginu mismu munie yang metung a tanda para kekayu. Muktut ya ing metung a kayanakan a babai at manganak yang metung a lalaki at ing maging lagyu na Immanuel.

Lucas 2:13

At bigla yang meyakit siping na ning anghel ing metung a maragul a grupu ding anghel banua. Ngarang pupuri king Dios,

Lucas 2:7

At beit ne ing pangane nang anak a lalaki. Binalut neng lampin at kinera ne king lilibangan, uling alang lugal para karela king pipaglayunanan.

1 Samuel 2:34

Ing malyari karing adua mung anak a i Ofni at i Fineas magsilbing sinial para keka: mate la kilub ning patingapun.