Lucas 2:11 - Ing Mayap a Balita Biblia

¹¹ Uling king benging iti king balen nang David mibait ya ing kekayung Talapagligtas, ing Cristo a Ginu.

Lucas 2:11 Iomraidhean Croise

Genesis 3:15

Mikasama kayu ning babai; milaban la ding anak na at ding anak mu. Lasawan de ring anak na ing buntuk mu, at tuktukan mu no man ding sakung da.

Genesis 49:10

E ya mako misan man ing setro kang Juda ni ing simbulu ning kayupayan na. Angga king datang ya itang talan king setro mu a sukat dang pamintuan ding tau.

Ding Dalit 2:2

Ari keting yatu abe-abe la, at e mayap ing buri da; karelang mamuntukan mipupulung la; ing Ginu ya'ng buri dang labanan at ing aring pinili na.

Isaias 9:6

Uling mibait ya ing anak para kekatamu! Ing metung a anak a lalaki miyabie ya kekatamu! At ya ing maging pamuntuk tamu! Mayaus yang Makapagmulalang Tagapayu, Mayupayang Dios, Alang anggang Ibpa, Prinsipi ning Kapayapan.

Mateo 1:16

I Jacob ya i tata nang Jose a asawa nang Maria; i Maria ya ing ima nang Jesus a mayayaus Cristo.

Mateo 1:21

Ibait ne ing metung a anak a lalaki, at ausan meng Jesus uling ya ing magligtas king balen na king pamikasala na.

Mateo 16:16

Mekibat ya i Simon Pedro, Ika ing Cristo, ing Anak ning Dios a mabie.

Mateo 16:20

Kaybat na nita, penabilinan na lang maigpit ding alagad na king e ra paniabian kaninu man king ya ing Cristo.

Lucas 1:43

Makananu kung pengaintuliran ing dalawan na ku ning ima na ning kanakung Ginu?

Lucas 1:69

Dininan na katamung metung a mayupayang Talapagligtas a ibat king lahi nang David a talasuyu na.

Lucas 2:26

Pepabalu na kang Simeon ning Banal a Espiritu king e ya mate anggang e ne akit ing Cristo a pengaku na ning Ginu.

Lucas 2:4

Manibat Nazaret, Galilea, minta ya i Jose king Betlehem, Judea, ing balen a beitan nang David, uling ibat ya i Jose king lahi nang David.

Juan 1:41

Kanita mu rin penintun neng Andres i Simon a kapatad na. Inyang ikit ne, sinabi na kang Simon, Atagpuan mi ya ing Mesiya (ngana wari, ing Cristo).

Juan 1:45

Penintun neng Felipe i Nathanael at ngana keya inyang ikit ne, Atagpuan mi ya itang mababanggit king libru na ning Kautusan a sinulat nang Moises at mababanggit munaman karing kasulatan da ring propeta: i Jesus ning Nazaret a anak nang Jose.

Juan 11:27

Nganang mekibat, Wa, Ginu, paniwalan ku king ika ing Cristo, ing Anak ning Dios a datang keti king yatu.

Juan 20:31

Misulat la ding atyu keting libru ban maniwala kayu king i Jesus ya ing Cristo, ing Anak ning Dios at king pamaniwala yu mika bie kayu king kapamilatan na.

Juan 4:25

Ngana ning babai, Balu ku king ing Mesiya, ing ausan dang Cristo, datang ya. Paniatang na, ipabalu na kekatamu ing sablang bage.

Juan 4:42

Ngara king babai, Ngeni maniwala kami e king uli na ning sinabi mu, nune uling ikami mismu dimdam mi ya at abalu mi king ya ing tune Talapagligtas ning yatu.

Juan 6:69

Maniwala kami at balu mi na ngeni king ika ing Banal ning Dios.

Juan 7:41

Ngara naman ding aliwa, Ya pin ing Cristo! Oneng ding aliwa sinabi ra, Manibat ya wari Galilea ing Cristo?

Ding Dapat 10:36

Balu yu king pepabalu na ning Dios ing amanu na karing memalen na ning Israel, at mipasiag karela ing Mayap a Balita na ning kapayapan king kapamilatan nang Jesu-Cristo a Ginu da ring sablang tau.

Ding Dapat 13:23

Metung ya i Jesus karing meging lahi nang David, at ya ing gewa nang Talapagligtas ning Dios king balen Israel antimo ing pengaku na.

Ding Dapat 17:3

pepalino na la at ginamit na lang peka prueba king ing Cristo a mipangakung datang sukat yang dumalan kasakitan at kaybat deng pete, subli yang mie. Nganang Pablo, Iting Jesus a ipanaral ku kekayu, ya ing Cristo.

Ding Dapat 2:36

Uli na niti, kailangan dang abalu ding sablang memalen ning Israel king masalang tutu king iting Jesus, ing pinaku yu king krus, ya ing gewa nang Ginu at Cristo ning Dios!

Ding Dapat 5:31

Tinas ne ning Dios king banda nang wanan ban maging Pamuntuk at Talapagligtas da ring tau ban kanita mika oportunidad lang makasisi ding Israelita at tanggap kapatawaran karing kasalanan da.

1 Corinto 15:47

Melalang ya ing minunang Adan king alikabuk na ning yatu; ing kaduang Adan ibat ne man king banua.

Filipos 2:11

At ding sabla karelang ipasiag king i Jesu-Cristo Ginu ya, king ikaligaya na ning Dios Ibpa.

Filipos 3:8

At e mu ding bage deta, nune ing sabla lalawan kung alang kapakinabangnan alang-alang king metung a bage a tutung maulaga; iti ya't e aliwa ing aku akilala ke i Cristo Jesus a Ginu ku. Alang-alang kang Cristo Jesus, pibatan ku ing pangabating na ning sabla; lalawan kung anting alang kwenta ing sabla akamtan kia sana i Cristo

Colosas 2:6

Anti na ning tinggap yeng bilang Ginu i Cristo Jesus, mibiebie kayung kayabe na.

1 Juan 4:14

Ikit mi at patutuan king tinubud ne ning Ibpa ing Anak na bilang Talapagligtas na ning yatu.

1 Juan 5:1

Anak ne ning Dios ing ninumang maniwala king i Jesus ya ing Cristo, at ing ninumang lulugud king tata lulugud ya naman king anak na.