Lucas 2:10 - Ing Mayap a Balita Biblia

¹⁰ Oneng ngana ning anghel karela, E kayu mitatakutan! Uling pagdala da kayung mayap a balita a munie maragul a tula karing sablang tau.

Lucas 2:10 Iomraidhean Croise

Genesis 12:3

Bendisyunan ku la ding mamendisyun keka, oneng isumpa ku la ding maniumpa keka. At kapamilatan mu bendisyunan ku la ding sablang bansa.

Isaias 40:9

O Jerusalem, mukiat ka king matas a bunduk; isalita mu ing mayap a balita! O Zion, isikan mu ing pamaniaus mu; isalita mu ing mayap a balita! Magsalita kang masikan; e ka tatakut. Sabian mu karing balen ning Juda king ing karelang Dios daratang ya!

Isaias 41:27

Aku, ing Ginu, ing minunang memalita king Zion. Atin kung tiburan ban king Jerusalem sabian, Mumuli na lang kekang memalen!

Isaias 49:6

Ngana kaku ning Ginu, Kakung talasuyu, atin kung mas maragul a paobra keka; e mu ing ibalik mu ing dangalan ding mitagan a memalen ning Israel, nune gawan da ka namang sulu para karing sablang bansa, ban ing mabilug a yatu miligtas ya.

Isaias 52:10

Gamitan ning Ginu ing banal nang upaya; iligtas na la ding memalen na at mabilug a yatu iti akit na.

Isaias 52:7

Makayama yang lalawan itang talapagbalitang daratang daralan karing kabundukan; magdalang mayap a balita, ing balita ning kapayapan! Ipabalu na ing tagumpe at sabian na king Zion, Ing kekang Dios ya ing mag-ari!

Isaias 61:1

Kitmuan na ku ning Ginung Dios king espiritu na. Pinili na ku at tinubud ban karing kalulu mayap a balita iyatad ku, ban uluan lang pusung sugatan, ban ihayag karing bihag ing pangaligtas da at ing kalayaan karing atyu king sukulan.

Daniel 10:19

Ngana, Kaluguran na ka ning Dios, inya e mu paintulut ing ligaligan na ka o pamatakutan ning nanumang bage. Inyang asabi na iti, dimdam kung lalu kung mesikan at sinabi ku, Makamal, sabian mu kanaku ing buri mung sabian. Uli mu masalese na ku panamdam.

Zacarias 9:9

Magsaya kayu, memalen ning Zion! Kulisak kayu king tula, ikong tau Jerusalem! Lawan yu, daratang ya kekayu ing kekong ari! Daratang yang kayabe ing tagumpe, oneng mapagpakumbaba ya at metung yang asno ing sasaken na, metung yang biseru, anak ning gaindung asno.

Mateo 14:27

Agad-agad yang minaus karela i Jesus. Ngana, E kayu tatakut! Aku i Jesus!

Mateo 28:18

Lepitan na lang Jesus at ngana karela, Miyabie kanaku ing sablang kayupayan karin banua at keti king yatu.

Mateo 28:5

Migsalita ya ing anghel karing aduang babai. Ngana, E kayu tatakut. Balu ku king panintunan ye i Jesus a pinaku ra king krus.

Marcos 1:15

Miras na ing mituldung panaun, nganang sinabi, at malapit ne ing Kayarian ning Dios! Sisian yu la at painggulutan ding kekayung kasalanan at maniwala kayu king Mayap a Balita!

Marcos 16:15

At sinabi nang Jesus karela, Munta kayu king mabilug a yatu at panaral ye ing Mayap a Balita karing sablang tau.

Lucas 1:13

Oneng ngana ning anghel, Zacarias, e ka tatakut! Dimdam na ning Dios ing kekang panalangin, inya manganak yang metung a lalaki ing asawa mung i Elizabeth. Pamalagyuan meng Juan.

Lucas 1:19

Aku i Gabriel, nganang mekibat ning anghel, makatalakad ku arap ning Dios a mitubud kanaku ban sabian ku at ipayabut keka iting mayap a balita.

Lucas 1:30

Ngana ning anghel, Maria, e ka mitatakutan uling meging malam ya lub keka ing Dios.

Lucas 2:11

Uling king benging iti king balen nang David mibait ya ing kekayung Talapagligtas, ing Cristo a Ginu.

Lucas 24:47

at king lagyu na, ing pamanisi at kapatawaran ding kasalanan sukat mipanaral karing sablang bansa, magumpisa keti Jerusalem.

Lucas 8:1

Kaybat na nita, minta ya i Jesus karing balen at karing baryu. Panaral na ing Mayap a Balita tungkul king Kayarian ning Dios. Kayabe na la ding labing adua,

Ding Dapat 13:32

At ngeni atyu ke keti ban iyatad mi kekayu ing Mayap a Balita: itang pengaku nang daptan ning Dios karing kekatamung makatua. Ngeni, tiparan na na kekatamung meging lahi ra king kapamilatan na ning pamipasubli nang mie kang Jesus. Antimo ing makasulat king kaduang Dalit, Ika ing kakung Anak; king aldo a iti meging Tata mu ku.

Roma 10:15

Makananu namang mika talapanaral, nung alang mituburan manaral? Agpang king sasabian na ning kasulatan, Kasampat na ning paniatang da ring manaral king Mayap a Balita!

Efeso 3:8

Aku ing mababang dili uri karing pinili na ning Dios. Makanyan man, binie na ning Dios kanaku ing obrang iti: ing ipanaral ku karing paganu ing Mayap a Balita tungkul king alang angga nang bendisyun a malyaring atagpuan kang Cristo,

Colosas 1:23

Oneng kailangan kayu ping manatiling matatag king kasalpantayanan; e matitigatig king kapanayan yu king mipangaku king Mayap a Balita a kekayung dimdam. Iti ya itang Mayap a Balitang mipanaral karing sablang tau keti king yatu at aku, i Pablo, talasuyu na na ku man ning Mayap a Balitang yan.