Lucas 19:8 - Ing Mayap a Balita Biblia

⁸ Tinalakad ya i Zaqueo at sinabi na king Ginu, Ginu, ing kapitna king pibandian ku ipamie ku karing pakakalulu. At nung sakaling atin kung pirait ninuman, isubli kung makatapat a besis keya.

Lucas 19:8 Iomraidhean Croise

2 Samuel 12:6

Sukat yang mamayaran apat a besis king depat na uling ala yang lunus.

Ding Dalit 41:1

Masaya ya ing taung karing kalulu magmalasakit, uling ing Ginu matula neng saupan king oras ning kagipitan.

Exodo 20:16

E kayu sasaksi king e katutuan laban king kenu man.

Ding Kasebian 6:31

nung marakap ya, mamayaran yang pitung besis king penako na; ipamayad na ing sablang bandi na.

Ezekiel 33:15

Nung isubli ne itang singla na ning menandam o kaya ibalik na itang penako na at nung tuknang yang darapat pamikasala at tukian na la ding kautusan a babie bie, e ya mate, nune mie ya.

Ding Bilang 5:7

Inya sukat nang kilalanan king mikasala ya at sukat yang mamayaran ganap king diptananan nang e ustu, at patubuan ne pang beinti por sientu.

Lucas 11:41

Kailangan ipamie yung limus ing laman ding kekayung tasa at pinggan, at maging malinis ing sablang bage kekayu.

Lucas 12:33

Ipisali yu ing pibandian yu at ipamie yu ing abli karing pakakalulu. Gawa kayung bulsa a e maluluma at tumipun kayung pibandian karin banua uling karin e la mabawas; alang miraras a mapanako at alang puliliang makasira.

Lucas 16:9

At sindu nang Jesus ing pamagsalita na. Ngana, Inya sasabian ku kekayu: gamitan yu king pamakikaluguran ing pibandian keti king yatu. Magisan man iti, matanggap na kayu man king tuknangan a alang angga.

Lucas 19:7

Mibubulungan la ding sablang menakit king mepalyari. Ngara, Makipagbisita ya king metung a makasalanan!

Lucas 7:13

Panakit na ning Ginu king babaing mebalu, melunus ya keya. Inya sinabi na king babai, E ka tatangis.

Lucas 7:19

at tinubud na la king Ginu ba rang ikutang, Ika ing sasabian nang datang Juan o manaya ke pang aliwa?

1 Samuel 12:3

Atyu ku keni. Nung atin kayung e buri kanaku, sabian yu arapan na ning Ginu at king aring pinili na. Atin kung penako baka o kaya asno kekayo? Atin kung pirait o penakawanan kekayo? Atin nang sinuhul kanaku ban kanita maging bulag ku king katuliran? Nung atin, mamayaran ku.