Lucas 19:6 - Ing Mayap a Balita Biblia

⁶ Memalagua yang kinuldas at matula neng tinggap i Jesus.

Lucas 19:6 Iomraidhean Croise

Isaias 64:5

Matula mu lang tatanggapan detang manakit tula king pamaniapat dang matulid, detang makaganaka nung makananu mu lang buring mibiebie. Mimua ka kekami, makanyan man sinulung mi ing pamaniapat ming kasalanan. Agyamang maragul ing mu mua kekami, tiglus mi pa mu rin ing pamaniapat e ustu manibat na kanitang mumunang panaun.

Lucas 19:5

Pangaras nang Jesus king lugal a ita, tinalanga ya at sinabi na, Zaqueo, kuldas kang malagua uling kailangan kung salangi ngeni king bale mu.

Lucas 19:7

Mibubulungan la ding sablang menakit king mepalyari. Ngara, Makipagbisita ya king metung a makasalanan!

Lucas 2:16

Inya memalagua lang meko at atagpuan de i Maria at i Jose, at ikit de ing bingut a makakera king lilibangan.

Lucas 5:29

At pigtawan neng maragul Levi i Jesus king bale na. Dakal lang talapanyingil buis at aliwa pang tau ding kasulu ra.

Ding Dapat 16:15

Ya ampon ding katubale na pepabinyag la. Kaybat peparalan na kaming amanu. Ngana, Nung tatanggapan yung aku tune kung talasalpantaya ning Ginu, kukumbiran da kayung tuknang keni kekami. At e mi apayalian ing kumbira na.

Ding Dapat 16:34

Kaybat na nita, tiki na lang minuli king bale na at dininan na lang pamangan, at pigsayan na ning mabilug nang pamilya ing pangakonberti da king Dios.

Ding Dapat 2:41

Meniwala la ding keraklan karela king aral na, at tinggap da ing sinabi na at pepabinyag la. Kanita mu ring aldong ita angga lang atlung libu katau ding miragdag king kabilangan da.