Lucas 19:5 - Ing Mayap a Balita Biblia

⁵ Pangaras nang Jesus king lugal a ita, tinalanga ya at sinabi na, Zaqueo, kuldas kang malagua uling kailangan kung salangi ngeni king bale mu.

Lucas 19:5 Iomraidhean Croise

Ecclesiastes 9:10

Gawan mu ing sablang agyu mu king nanumang pagobran mu, uling king pupuntalan mung kutkutan da ring mete ala na kang pagobran o isipan o beluan o kabiasnan.

Ezekiel 16:6

Kanita na ku man linabas at ikit da kang kaso-kaso king sarili mung daya. Makabalut kang daya at e ku apibata ing e ra ka iligtas.

Lucas 19:10

Uling dinatang ya ing Anak ning Tau ban panintunan na la at iligtas ding mebating.

Lucas 19:2

Ating metung a mabandi karin a pamuntuk da ring talapanyingil buis, ing lagyu na Zaqueo.

Lucas 19:4

Inya migpauna yang milayi at minukiat ya king metung a tanaman a sikomoro ba neng akit dumalan i Jesus karin.

Lucas 19:6

Memalagua yang kinuldas at matula neng tinggap i Jesus.

Juan 1:48

Kitang nang Nathanael, Makananu mu kung akilala? Nganang mekibat Jesus, Bayu na ka inaus Felipe, ikit da na ka inyang atyu ka lalam ning tanaman a higera.

Juan 14:23

Pekibat nang Jesus, Pamintuan na la ning lulugud kanaku ding amanu ku; luguran neng Ibpa ku at i Ibpa ku at aku manuknangan ke keya.

2 Corinto 6:1

Anti na ning kayabe kami king obra na ning Dios, ipakisabi ming mayap kekayu king e yu sa payalan kabaldugan ing grasya a tinggap yu keya.

Efeso 3:17

Manuknangan ya sa i Cristo karing kekayung pusu king kapamilatan na ning kekayung pamanialpantaya keya ban king pamagyamut yu, at pamanalumpakan king matibe lugud

Hebreo 13:2

E yu la kakalinguan tatanggapan ding dayuan karing pibalebale yu. Ating tinanggap karing anti kareti, at e ra balu king anghel la pala ding karelang tinggap.

Kapahayagan 3:20

Lawan mu, makatalakad ku arap ning pasbul at tutuktuk; nung pakiramdaman na ning ninuman ing siwala ku at ibuklat ne ing pasbul, malaus ku king bale na at ya ampon aku miyabe kaming mangan.