Lucas 19:44 - Ing Mayap a Balita Biblia

⁴⁴ Lasakan da kang lubus at pati na ding anak mung atyu kilub ding kekang pader. Ala lang itagan metung mang batu a makatumpak king kalupa nang batu uling e mu kilala ing paniatang na ning Dios keka ba na kang iligtas!

Lucas 19:44 Iomraidhean Croise

Ding Dalit 137:9

Mapalad ya itang damput karing anak mung bingut ban karing batu ipukul!

Isaias 10:3

Nanu ing daptan yu potang datang ne ing aldo a parusan na kayu ning Dios? Nanu ing daptan yu potang ing Dios parala yang kasakitan a manibat king marayung bansa? Kaninu kayu lumapit ban maniawad saup? Nukarin yu isalikut ing pibandian yu?

Isaias 29:3

Lusuban ne ning Dios ing siudad; kubkuban ne at luban.

Jeremias 11:23

Tikda ku na ing panaun para ipagpa ku ing kapahamakan karing memalen na ning Anatot. At metung man karela alang mitagan potang datang na ing panaun a ita.

Ding Tagulele 1:8

Ala na ing dangalan na; lubas ya't me-insultu uli ning kasalanan na. Sasaingsing ya, at tatakpan neng lupa na, uli ning kamarinayan na. Ing Jerusalem ya ing mismung mindinat king sarili na, uli ning makapangilabut nang kasalanan a depat.

Daniel 9:24

Pitung besis a tiapitung pulung banua ya ing kaba ning panaun a tikda ning Dios para mayatbus la king kasalanan at king e mayap ding kekang kabalen at ing banal a siudad. Mipatawaran ing kasalanan at mag-ari ing alang anggang hustisia ban ing vision at ing ula mipaltutu, at mitalaga yang pasibayu king Dios ing banal a Templo.

Daniel 9:26

At king kawakasan ning panaun a ita paten de ing pamuntuk a pinili ning Dios king paralan a e makatuliran. Malasak ya ing siudad at ing Templo king kapamilatan da ring dakal a sundalung lulusub ning metung a mayupayang pamuntuk. Ing kawakasan datang anti ing albug, darala na ing gera at kasiran a sidia ning Dios.

Mikeas 3:12

Uli yu masarul ya anting marangle ing Zion, maging metung yang buntun na ning kasiran ing Jerusalem, at maging metung yang kagubatan ing bunduk a katatalakaran na ning Templo.

Mateo 24:2

Oneng sinabi na karela, Pakalawan yu na lang masalese deng gusaling den. Sasabian ku kekayu, ala metung mang batu a mitagan makatumpak king kalupa nang batu karing gusaling den! Malasak la ngan!

Marcos 13:2

Nganang mekibat Jesus, Ding mangaragul a gusaling akakit mung den malasak la ngan. Alang batung mitutumpak a mitagan king kabilian da; mibagsak la ngan den!

Lucas 1:68

Purian ta ya ing Ginu, ing Dios ning Israel! Inatdanan na lang kasaupan ding memalen na at pinalaya na la.

Lucas 1:78

Ing Dios tamu tune yang mapaglunus at maganaka. Ing munag ning kaligtasan ipaslag ne kekatamu,

Lucas 19:42

Ngana, Nung balu mu mu ing makaibie kapayapan keka king aldo iti! Oneng e mu pin akakit ngeni!

Lucas 21:6

Ding akakit yung den, datang ing panaun, metung man alang mitagan a batung makatumpak king kalupa nang batu; mabaldug la ngan king gabun.

1 Pedro 2:12

Ing kekayung panugali libutad ding paganu sukat sanang maging kapuripuri. Kanita bisa la mang magsalitang kasiran laban kekayu, ala lang aliwang akit nune mu ding dapat yung mayap. Uli na ning mayap yung dapat purian de ing Dios king Aldo ning paniatang na.