Lucas 19:4 - Ing Mayap a Balita Biblia

⁴ Inya migpauna yang milayi at minukiat ya king metung a tanaman a sikomoro ba neng akit dumalan i Jesus karin.

Lucas 19:4 Iomraidhean Croise

1 Ari 10:27

King panaun nang Solomon, anti yang karaniwan a batu ing pilak king Jerusalem, at ing dutung a sedro labis-labis anting tanaman a sikamoro karing bunduk-bundukan na ning Juda.

1 Cronica 27:28

i Baal Hanan a tau Geder, ya ing mamahala karing tanaman a olibo at sikamoro karin king Sefela; i Joas, ya ing mamahala karing kamalig laru;

2 Cronica 1:15

King kapanaunan na, meging pangkaraniwan lang anting batu king Jerusalem ing pilak at ing gintu; kasing dakal na ning tanaman a sikamoro karing bunduk-bundukan ing dutung a sedro.

2 Cronica 9:27

King panaun nang Aring Solomon anti yang karaniwan a batu ing pilak king Jerusalem, at ing dutung a sedro labis-labis anting dutung a sikamoro karing bunduk-bundukan ning Juda.

Ding Dalit 78:47

Ing uran-lipat naman pepagpa na karing ubas a tenam da; ding karelang tanaman a sikomoro pete na la king dimla.

Isaias 9:10

Melasak la ding gusaling megawa karing laryu; oneng alilan mi la karing gusaling gawa king batu. Meputut la ding tanan a megawa karing dutung a sikamoro, oneng alilan mi la karing pekamayap a dutung a sedro.

Amos 7:14

Nganang mekibat Amos kang Amazia, E ku propetang makikiupa ban manaral. Metung ku mung pastul at talaingat karing tanaman a higera.

Lucas 17:6

Pekibat na ning Ginu, Nung atin kayung kasalpantayanan a kasing dagul na mu man ning butul mustasa, asabi yu kaniting tanaman a sikomoro, Mabagut ka at iyalis mu ing kekang sarili king dagat! at mamintu ya kekayu.

Lucas 19:3

Pilit neng buring akit nung ninu i Jesus. Oneng pandak ya i Zaqueo at e ne agyung lawen uli na ning keraklan da ring tau.

Lucas 19:5

Pangaras nang Jesus king lugal a ita, tinalanga ya at sinabi na, Zaqueo, kuldas kang malagua uling kailangan kung salangi ngeni king bale mu.

Lucas 5:19

Uling dakal la ding tau ala lang adalanan ba reng alub. Inya inukiat de king bubungan at biklas da la ring tisa at karin de bildug ing pagkeran na libutad da ring tau at king mismung arapan nang Jesus.