Lucas 19:21 - Ing Mayap a Balita Biblia

²¹ Tatakut ku kekayu uling masakit kayung pakiutusan; kakuanan yu ing e kekayu at pupupulan yu ing e yu tenam.

Lucas 19:21 Iomraidhean Croise

Lucas 19:20

Linapit ya ing aliwa pang ipus at ngana, Oyni, ginu, ing kekayung salaping gintu. Binalut ke king panyu at selikut.

Lucas 19:22

Pekibat na ning panginuan na, E ka mayap a ipus! King sinabi mung yan karin da ka atulan! Balu mu na palang masakit kung pakiutusan at kakuanan ku ing e kanaku at pupupulan ku ing e ku tenam,

Roma 8:15

Uling ing Espiritu a binie na ning Dios kekayu e na kayu papalyarian ipus ba kayung pasibayung mangatmung takut; nune papalyarian na kayung maging anak na ning Dios. Potang ausan ta ya ing Dios: Tatang, Tatang ko!

Roma 8:7

Inya maging kalaban ne ning Dios ing taung mimisip ketang aduan na ning katutubu rang pangatau, uling iti e mamintu king kautusan na ning Dios, at king kamatutuanan e na agyung pamintuan.

2 Timoteo 1:7

Uling ing Espiritung binie na ning Dios kekatamu e na katamu papainan a lub nune ing Espiritu na kakatmuan na katamung upaya, lugud at pamangawat king sarili.

Santiago 2:10

Ninuman ing tutupad king kabilugan a Kautusan, oneng e ne tiparan ing metung a malating kautusan, lebagan na na la ngan ding sablang kautusan.

1 Juan 4:18

Ala yang kayabe takut ing lugud, uling tatabi na ning ganap a lugud ing takut. E pa ganap ing lugud na ning ninumang ating takut, uling ing takut kakambal ne ning kaparusan.

Judas 1:15

ban ukuman na la ding sabla at parusan ding makasalanan uli na ning e mayap a depat da, at ing sablang kalapastanganan da king Ginu!

1 Samuel 12:20

Oneng nganang Samuel karing tau, E kayu tatakut. Depat yu la pin deting e mayap a bage. Makanyan man e kayu painggulut king Ginung kekayung Dios nune suyuan ye king mabilug yung pusu.