Lucas 19:12 - Ing Mayap a Balita Biblia

¹² Ngana, Ating metung a taung marangal a minta king marayung bansa ba yang magawang ari at kaybat magbalik ya naman.

Lucas 19:12 Iomraidhean Croise

Mateo 21:38

Oneng inyang ikit de ring kasamak ing anak, ngarang misabisabi, Iti ya ing talapagmana na ning pakisamakan tamu. Tara, paten ta ya ban akua tamu ing bandi na!

Mateo 28:18

Lepitan na lang Jesus at ngana karela, Miyabie kanaku ing sablang kayupayan karin banua at keti king yatu.

Marcos 12:1

Tiglus nang Jesus ing pamagsalita na, oneng ngeni king kapamilatan da ring talimhaga. Ngana, Ating metung a taung menanaman ubas king marangle na at bekuran ne. Kinulkul ya namang pibilianan para king pipapaslan ubas at mitalakad ya namang metung a matas a pipagbanten. Kaybat na nita, pepanibala ne iting ubasan karing kasamak na at minta ya king aliwang bansa.

Marcos 16:19

Kaybat nang migsalita karela, mitas ya banua ing Ginung Jesus, at linukluk ya king banda nang wanan ning Dios.

Lucas 20:9

Kanita selita neng Jesus iting talimhaga karing tau: Ating metung a taung menanaman ubas king gabun na. Pekiupa ne karing kasamak at minta ya king aliwang bansa. Menatili yang maluat king lugal a ita.

Lucas 24:51

Kabang bibendisyunan na la, likuan na la at mitas ya banua.

Juan 18:37

Nganang Pilato, Ing buri mung sabian, metung ka ping ari? Mekibat ya i Jesus, Ika ing sasabing ari ku. Iti ya ing sangkan nung inya mibait ku at dinatang keti king yatu ban munie patutu king katutuan. Makiramdam ya kanaku ing ninumang atyu king katutuan.

Ding Dapat 17:31

Uling tinuldu yang aldo nung nu ne ukuman king ganap a katuliran ing mabilug a yatu king kapamilatan na ning pinili na. Minie yang katunayan tungkul kaniti para karing sabla king kapamilatan na ning pamipasubli nang mie king taung ita!

1 Corinto 15:25

Uling kailangan yang sumakup i Cristo anggang e na la asambut ning Dios ding sablang kalaban na at ibili lalam nang upaya.

Hebreo 9:28

Makanyan munaman, i Cristo misan ya mu miyain ain-sakripisyu ba nang ilako ing kasalanan da ring tau. Datang yang pasibayu, e para miyain yang pasibayu para king kasalanan, nune para iligtas na la ding sabik manenaya king pamagbalik na.

1 Pedro 3:22

a minukiat na banua, at makalukluk king banda nang wanan ning Dios, mag-ari karing sablang anghel at karing kayupayan at upayang atyu karin banua.

Kapahayagan 1:7

Pakatandanan yu iti: datang ya libutad da ring biga. Akit de ring sabla at pati na detang tinandus keya. Tumangis la ding sablang bansa na ning yatu uli na ning depat da kang Jesu-Cristo. Iti ya ing katutuan! Amen.