Lucas 19:10 - Ing Mayap a Balita Biblia

¹⁰ Uling dinatang ya ing Anak ning Tau ban panintunan na la at iligtas ding mebating.

Lucas 19:10 Iomraidhean Croise

Ezekiel 34:12

Nung makananu na lang panintunan ning pastul ding tupang misalbag at kaybat tipunan na la, makanyan munaman ing daptan ku. Kuanan ku la karing miyayaliwang lugal nung nu la mikalat kanitang aldo ning dalumdum at kasiran.

Ezekiel 34:16

Panintunan ku la detang mebating, ibalik ku la detang melili, uluan ku la ding mesugat, at pakayapan ku la detang ating sakit; oneng paten ku la detang mataba at masikan, uling aku metung kung pastul a darapat ketang matulid.

Mateo 1:21

Ibait ne ing metung a anak a lalaki, at ausan meng Jesus uling ya ing magligtas king balen na king pamikasala na.

Mateo 10:6

nune munta kayu karing mewala nang tupa ning bansang Israel.

Mateo 15:24

Kanita nganang mekibat Jesus, Mituburan ku bukud mung karing tupa nang melili ning balen Israel.

Mateo 18:10

Pangilagan yung e ye insultuan ing metung karing malating deti. Sasabian ku kekayu, ding anghel da karin banua atyu la kapilan man king arapan nang Ibpa kung atyu banua. [

Mateo 18:11

Uling dinatang ya ing Anak ning Tau ba na lang iligtas ding mebating.]

Lucas 15:32

Sukat tamung magsaya at tumula uling ining kapatad mu mete ne, makanyan man sinubli yang mebie; mebating ya at meyakit ya.

Lucas 15:8

O nung ing metung a babaing ating apulung salaping pilak kebatingan yang metung kareti, nanu ing daptan na? Sindi yang sulu; palisan ne ing bale at panintunan neng masalese anggang e ne akit.

Juan 3:17

Uling tinubud ne ning Dios ing Anak na king yatu e ban atulan ne at parusan ing yatu, nune ban miligtas ya ing yatu king kapamilatan na.

Roma 5:6

Uling kanitang kasalukuyan tamung alang akarapat, king panaun a tildu na ning Dios, mete ya i Cristo para karing taung makasalanan.

Hebreo 7:25

Inya agyu na lang iligtas ngeni at kapilan man ding sablang lalapit king Dios king kapamilatan na, uling mabie ya kapilan man ban mamilatan king arap ning Dios para karela.