Lucas 18:7 - Ing Mayap a Balita Biblia

⁷ Ngeni, ipagkaymut na kaya ning Dios ing katuliran karetang sariling pinili na a mamaus pasaup keya aldo't bengi? E na la kaya agad saupan?

Lucas 18:7 Iomraidhean Croise

Ding Dalit 88:1

O Ginung Dios a kakung talapagligtas, patitingapun aduan ku ing saup mu, at neng bengi ika mu rin ing kakung ausan.

Ding Dalit 9:8

Ukuman neng yatu king mitmung katuliran, atulan na la king katutuan na, ding sablang taung lelangan na.

Exodo 22:23

Nung alipustan yu la, siguradu lang maus pasaup kanaku at aku, ing Ginu, pakibatan ku la;

Isaias 40:27

Israel, obat ngeni tututul mu king ing Ginu e na la balu ding problema mu o ala yang pakialam king hustisiang mangaintulid keka?

Habakuk 2:3

Isulat mu uling e pa miras ing panaun para mipatutuan iti. Oneng mabilis neng daratang ing panaun ban ing papakit ku keka mipaltutu. Balamu mabagal ing paniatang na, oneng panayan me, siguradung marapat; e ya mayantala.

Mateo 24:22

Oneng e na paintulut ning Dios ing lambat ing anti kanita, nung ali, metung mang tau alang mitagan. Alang-alang karing pinili na, e na palambatan ning Dios.

Mateo 24:24

Lunto la ding Cristo a e tutu at propetang e tutu. Pakit lang miyayaliwang tanda at milagru a tutung pagmumulalan ba ra lang alinlang pati na ding pinili ning Dios, nung malyari mu sa.

Mateo 7:11

Nung ikayung palpikasala balu yu lang dinan mayap a bage ding anak yu, e di lalu na kayung balung dinan ning Ibpa yung atyu banua? Ibie na ing sablang mayap a bage karing maniawad keya!

Lucas 11:13

Agyamang marawak kayu biasa kayu pa namang munie mayap a bage karing kekayung anak, e kasi lalu na ing Ibpa yung atyu banua! Ibie ne ing Banal a Espiritu karing maniawad keya!

Lucas 2:37

kaybat mebalu ne kilub ding walung pulu at apat a banua. E bitasang mamako king Templo. Aldo't bengi sasamba ya king Dios king kapamilatan na ning pamag-ayunu at pamanalangin.

Lucas 21:28

Kabud magumpisa na lang mapalyari deting bage, tumula kayu uling malapit na ing pangaligtas yu.

Roma 8:33

Ninu ing misuplung laban karing pinili na ning Dios? Nung ing Dios mismu pepayalan na na katamung kasalanan,

Colosas 3:12

Ikayu ing balen a pepasubali na ning Dios; kaluguran na kayu at pinili na kayu. Uli na niti, kailangan kayung miblas king laus-pusung kapaglunusan, king ganaka at kababan lub, king kamu at kapibabatan.

1 Tesalonica 3:10

Taimtim ming ipanalangin aldo't bengi ing akit da kayu sanang pasibayu at asaupan da kayu king nanumang maging kakulangan ning kekayung kasalpantayanan.

2 Tesalonica 1:6

Daptan na ning Dios ing sukat marapat; pasakitan na la ding babie kaguluan kekayu.

1 Timoteo 5:5

Ing tune babaing mebalu ya itang magdili-dili king bie na. Ing Dios ya ing bukud nang kapanayan, inya parati yang manalangin aldo't bengi at maniawad saup king Dios.

2 Timoteo 1:3

Pasalamat ku king Dios a susuyuan ku king malinis a konsiensia, antimo ing depat da ring kanakung makatua, ngening parati da kang agaganaka king kanakung pamanalangin aldo't bengi.

2 Timoteo 2:10

Inya pibabatan ku ing sablang bage alang-alang karing pinili na ning Dios ban ila man tanggapan da ing kaligtasan a manibat kang Cristo Jesus a babie ligayang alang kapupusan.

Tito 1:1

Ibat ya iting sulat kang Pablo, ing metung karing talasuyu na ning Dios at apostol nang Jesu-Cristo. Mepili ku at mituburan sumaup king kasalpantayanan da ring taung pinili na ning Dios, at tairan la king katutuan a tuturu na ning kekatamung relihiun

1 Pedro 1:1

Ibat ya iting sulat kang Pedro, ing apostol nang Jesu-Cristo. Miparala ya para kekayung taung pinili na ning Dios a ngening kasalukuyan makakalat bilang dayuan karing probinsia na ning Ponto, Galacia, Capadocia, Asia, at Bitinia.

2 Pedro 3:9

E na piliban-liban ning Ginu ing pamanupad na king pengaku na, antimo ing isipan da ring aliwa. Dirinan na la mung panaun ding sabla ba lang sumisi, uling e na buri ning Dios ing mipahamak ya ing ninuman.

Kapahayagan 18:20

Magsaya ka, O banua, uli na ning pangalasak na! Magsaya kayu ikayung mepili, apostol at propeta! Inatulan na ne ning Dios uli na ning depat na kekayu!

Kapahayagan 6:10

Ngarang sinabing masikan, O Ginung Mayupaya, banal at tapat! Kapilan mu la ukuman at parusan ding taung mekamate kekami?

Kapahayagan 7:15

Iti ya ing sangkan nung inya atyu la king arap ning tronu ning Dios, at susuyu la king Dios aldo't bengi king templo na. At ing makalukluk king tronu ya ing matnube karela.