Lucas 18:43 - Ing Mayap a Balita Biblia

⁴³ Kanita mu rin menakit ya at tinuki ya kang Jesus at pepasalamat ya king Dios. Inyang ikit da iti ding tau, pinuri de ngan ing Dios.

Lucas 18:43 Iomraidhean Croise

Ding Dalit 107:15

Uli ning alang kupas a lugud na, ing Ginu kailangan deng pasalamatan, alang-alang karing milagrung depat na para karela ngan!

Ding Dalit 107:8

Uli ning alang kupas a lugud na, ing Ginu kailangan deng pasalamatan, alang-alang karing milagrung depat na para karela ngan!

Ding Dalit 146:8

at pasalan na la mata ding bulag. Babangun na la ding mebigu; kaluguran na lang makatuliran.

Ding Dalit 30:2

O Ginung kakung Dios, minaus ku keka, at kakung katawan keka yang pepakayapan.

Isaias 35:5

Manakit la ding bulag, at makaramdam la ding maklak.

Isaias 42:16

Ding bulag kung memalen kaku lang tairan karing dalan a e ra pa bitasang delanan. Alilan kung sala ing karelang karalumduman, at ding lugal a e patag kaku lang patagan. Deting bage siguradu ku na lang daptan.

Isaias 43:21

Ila ding taung lelangan ku para king sarili ku, at ikanta da kaku ing kapurian!

Mateo 11:5

manakit la ding bulag, makalakad la ding pile, kakayap la ding leprosuan, makaramdam la ding maklak, susubli lang mie ding mete, at mipanaral ya ing Mayap a Balita karing kalulu.

Mateo 21:14

Pigsarian de ring bulag at ding lumpu king Templo at pepakayap na la.

Mateo 9:8

Inyang ikit da iti ding tau, tiblan na la ning takut at pinuri de ing Dios a minie king anti kaniting kayupayan karing tau.

Lucas 13:17

Mipakarine la ding sablang kalaban na king pakibat na; oneng mesaya la ding sabla king sablang makapagmulalang depat na.

Lucas 19:37

Inyang malapit ne Jerusalem, king lugal a pababa king Bunduk ding Olibo, kinulisak la king tula ding heganaganang alagad a milulupung keya at king masikan a bosis pinuri de at pepasalamatan ing Dios king sablang ikit dang milagru.

Lucas 4:39

Lepitan ne king pagkeran na at inutus na king lagnat king lakuan ne. Likuan ne ning lagnat at agad-agad yang tinalakad at sinilbian na la.

Lucas 5:26

Lubus la ngan mengasdan! King mitmung takut, pinuri de ing Dios. Ngara, Makapagmulalang tutu ing ikit tamu ngeni!

Lucas 9:43

Mengapamulala la ding sablang taung atyu karin king mayupaya nang dapat ning Dios. Kasalukuyan da pang mangapamulala ding tau king sablang depat nang Jesus inyang nganang sinabi karing alagad na,

Ding Dapat 11:18

Inyang dimdam da iti tiknang da ing karelang pamanuligsa at pinuri de ing Dios. Ngarang sinabi, Nung makanyan, dirinan na la namang oportunidad ning Dios ding paganu ban sumisi at painggulut karing karelang kasalanan at ban mika bie la!

Ding Dapat 26:18

Ika ing mibuklat karing karelang mata at ibat king dalumdum iyarap mu la king sala, at ibat king upaya nang Satanas tairan mu la king Dios ban king kapamilatan na ning kasalpantayanan da kanaku mipatawaran la karing karelang kasalanan, at mibilang la karing taung pinili na ning Dios.

Ding Dapat 4:21

Lalu na lang tintuan maigpit ning Konsehu at kaybat binulus da la. Ala lang ikit a sangkan para parusan da la uling pupurian de ring sablang tau ing Dios uli na ning mepalyari.

Galacia 1:24

Inya maragul ing pasalamat da king Dios alang-alang kanaku.

1 Pedro 2:9

Oneng ikayu metung kayung lahing mepili, pari kayung susuyu king Ari, banal kayung bansa, at memalen a pepasubali na ning Dios, at pinili nang magsalita karing makapagmulala nang dapat. Inaus na kayu ibat king karalumduman at linipat na kayu king makapagmulala nang sala.