Lucas 18:23 - Ing Mayap a Balita Biblia

²³ Oneng melungkut ya ing lalaki inyang dimdam na iti uling tutu yang mabandi.

Lucas 18:23 Iomraidhean Croise

Ezekiel 33:31

Datangan da ka ring taung kanakung pinili ban makiramdam king kekang sabian, oneng e ra daraptan itang dimdam dang sukat dang daptan. Mayayama la king pamagsalita mu, oneng e la magbayu pamibiebie.

Mateo 19:22

Inyang dimdam na ning kayanakan iti, meko yang malungkut uling dakal ya pibandian.

Marcos 10:22

Inyang dimdam na ning lalaki iti, meslam ya lupa at malungkut yang meko, uling tutu yang mabandi.

Lucas 12:15

At sinabi na karing sabla, Mangilag kayu king sablang uri na ning kasakiman, uling ing bie ning tau ala yu king pibandian na nu pa man anti iti karakal.

Lucas 18:22

Inyang dimdam nang Jesus iti, ngana, Atin pang metung a bage a kulang keka. Ipisali mu ing sablang pibandian mu at ipamie mu ing abli mu karing pakakalulu at mika pibandian ka karin banua. Kaybat, mibalik ka keti at tuki ka kanaku.

Lucas 18:24

Ikit nang Jesus king melungkut ya at sinabi na, Kasakit dang lungub king Kayarian ning Dios ding ating pibandian!

Lucas 19:8

Tinalakad ya i Zaqueo at sinabi na king Ginu, Ginu, ing kapitna king pibandian ku ipamie ku karing pakakalulu. At nung sakaling atin kung pirait ninuman, isubli kung makatapat a besis keya.

Lucas 21:34

Mingat kayu! E yu paburen ing mipasoso kayu king katakawan at pamaglasing, at e kayu paibalisa king pamanintun kabiayan, pota dasnan na kayu ning Aldong ita a e kayu makasadia.

Lucas 8:14

Ing bining digpa libutad ning dikut a masuksuk kalupa da la detang makiramdam king amanu, oneng ing karelang kalingasngasan, ing pibandian at ing pamagsaya king bie ya ing makisiksikan king amanu at pupuputan da. Inya e na akuang lululut ning karelang bunga.

Efeso 5:5

Balu yu king ala lang dake king Kayarian nang Cristo at ning Dios ding taung makipangalugud, ding marinat a pamibiebie o sakim, uling ing kasakiman anti ya namang pamanyambang idolo.

Filipos 3:8

At e mu ding bage deta, nune ing sabla lalawan kung alang kapakinabangnan alang-alang king metung a bage a tutung maulaga; iti ya't e aliwa ing aku akilala ke i Cristo Jesus a Ginu ku. Alang-alang kang Cristo Jesus, pibatan ku ing pangabating na ning sabla; lalawan kung anting alang kwenta ing sabla akamtan kia sana i Cristo

Colosas 3:5

Uli na niti, kailangan yung paten ing sablang agkat na ning yatu a atyu kekayu: ing pamakipangalugud, ing kanongan, ing kalibian, ding e mayap nang pamitan ning laman, at ing kasakiman (uling ing kasakiman metung yang anyu ning pamanyamba karing idolo).

1 Juan 2:15

E ye luluguran ing yatu o ding bage atyu king yatu. Ing lulugud king yatu e ya lulugud king Ibpa.