Lucas 18:18 - Ing Mayap a Balita Biblia

¹⁸ Kitnan ne ing metung a pamuntuk da ring Judio i Jesus. Ngana, Mayap a Maestro, nanung daptan ku ban tanggapan ku ing bie alang angga?

Lucas 18:18 Iomraidhean Croise

Ding Dapat 16:30

Linual na la king sukulan kabang nganang kukutang, Sabian yu kanaku, ginu, nanu ing sukat kung daptan ba kung miligtas?

Ding Dapat 2:37

Inyang dimdam da ring tau iti, meligalig la pilubluban, at ngara kang Pedro at karing aliwang apostol, Nanu ing sukat ming daptan, kapatad?

Lucas 6:46

Baket ausan yu kung Ginu, Ginu, at e yu naman daraptan ing sasabian ku?

Ezekiel 33:31

Datangan da ka ring taung kanakung pinili ban makiramdam king kekang sabian, oneng e ra daraptan itang dimdam dang sukat dang daptan. Mayayama la king pamagsalita mu, oneng e la magbayu pamibiebie.

Malakias 1:6

Nganang sasabi ning Ginung Mayupaya karing pari, Gagalangan ne ning anak ing tata na, at ing ipus ing panginuan na. Aku ing kekayung tata, obat e yu ku gagalangan? Aku ing kekayung panginuan, obat e yu ku gagalangan? Lalapastanganan yu ku, makanyan man kukutang yu kanaku, Makananu da kang lalapastanganan?

Lucas 18:19

Pekibat nang Jesus, Baket ausan mu kung mayap? Alang mayap nune mu ing Dios.