Lucas 18:13 - Ing Mayap a Balita Biblia

¹³ Oneng makatalakad yang marayu ing talapanyingil buis; e ya man bisang matna banua, nune durugdugan ne ing salu na at sasabian na: O Dios, malunus ka kanaku; metung kung makasalanan!

Lucas 18:13 Iomraidhean Croise

2 Samuel 12:13

Kanita nganang David kang Natan, Mikasala ku laban king Ginu. Nganang Natan, David, pepatawaran na na ka ning Ginu. E ka mate.

2 Cronica 33:19

Makasulat ne man king Istoria da ring Propeta ing panalangin na at ing pekibat ning Dios. Makasulat munaman karin ing kasalanan na at ing depat nang kataksilan pati na ding pepagawa nang pisasamban karing lugal a mangatas, ding pepagawa nang larawan nang Asera at ding pepagawa nang rebultu bayu ya mibalik lub king Dios.

2 Cronica 33:23

E ya migpakumbaba king Ginu; e ne pekiapusan i tata na a migpakumbaba arapan ning Ginu. Mangaragul ing pamikasalang depat na.

Ezra 9:6

Ngaku, O Dios ku, e ku makayatna keka uling marine ku, uli da ring kekaming dakal a kasalanan at susukdul la angga banua.

Job 42:6

Inya tutu kung pagmarinayan ing heganagana kung sinabi, at sisisian ku king alikabuk at abu.

Ding Dalit 106:6

Ikami at ding kekeng mangatua parehu kaming dinapat pamikasala; ing depat ming kasalanan alang kalupa.

Ding Dalit 119:41

Ipakit mu kaku, O Ginu, ing maragul a lugud mu kaku, at iligtas mu ku antimo ing pengaku mu.

Ding Dalit 130:7

Israel, magtiwala ka king Ginu; ing lugud na alang kupas, at parati yang makasadiang magligtas.

Ding Dalit 25:11

Alang-alang king kekang lagyu, O Ginu, dakal kung kasalanan keka sanang patawaran.

Ding Dalit 25:7

Kalinguan mu na sa ing gewa kung kasalanan, at keinan inyang anak ku; uli ning wagas a lugud mu at kayapan lub e mu ku sa kalinguan, O Ginu!

Ding Dalit 40:12

Makapadurut ku king e abilang-bilang a kaguluan; pasakitan da ku ding kakung kasalanan, at mata ku e la manakit; mas dakal la king buak king kakung buntuk, at mewala ngan kakung sikanan.

Ding Dalit 41:4

Ngakung sinabi king Ginu, Ginu, keka mikasala ku; malunus ka at uluan mu ku.

Exodo 33:10

Duruku la ngan ding tau potang akit da king ing asias a biga maratun ya king pasbul ning Tolda.

Isaias 1:18

Ngana ning Ginu, Me ka keni. Pisabian ta ing bage a yan. Agyang metuling ka uli na ning kasalanan, putian da kang anti ing maputing bulak. Malyaring milalu katuling ing kasalanan mu, makanyan man putian ku antimo ing maputing bulbul ning tupa.

Isaias 6:5

Kanita sinabi ku, Ala na kung kapanayan! Makalunus ku uling makasalanan la ding labi ku, at uling manuknangan ku libutad ding taung marinat a labi. Ngeni, ikit ke karing sarili kung mata ing Ari, ing Ginung Mayupaya!

Isaias 66:2

Aku ing linalang king meto sikluban! Aku ing makibandi king sabla-sabla. Liligaya ku karing mapagpakumbaba at sisisi, karetang ating takut at mamintu kanaku.

Ezekiel 16:63

Patawaran ku ing sablang kasalanan a depat mu, oneng e mu la kalinguan deti at king dine mu e me man akuang ibuklat ing asbuk mu. Ing Ginung Dios ya ing migsalita.

Daniel 9:5

Mikasala kami, meging makasalanan kami, ginawa keng kamalian. E mi tiparan ing inutus mung gawan mi at gilutan mi ing mayap a pepakit mu kekami.

Mateo 10:3

i Felipe at i Bartolome; i Tomas at i Mateo a talapanyingil buis; i Santiago a anak nang Alfeo at i Tadeo;

Mateo 6:5

Nung manalangin kayu, e yu la pakiapusan ding hipokrita! Maburi lang makatalakad manalangin karing sinagoga at karing suluk dalan ban kanita pakit la mu karing tau. Ing katutuan sasabian ku kekayu, tinggap da na keti pa ing ablas da.

Mateo 9:13

Pagaralan yu nung nanu ya kabaldugan ing kasulatan a ini: Lunus ing buri ku, aliwa ing ain-sakripisyu. Uling e ku dinatang ban ausan ku la ding banal, nune ding makasalanan.

Marcos 11:25

At neng tatalakad kayu ban manalangin, patawaran ye ing ninumang mikasala kekayu ban i Ibpa yung atyu banua patawaran na kayu naman. [

Lucas 17:12

Inyang lulub ya king metung a baryu, selubungan de ring apulung leprosuan, tinuknang lang makarayung bagya

Lucas 22:41

Dinayu yang bagya karela; siniklaud ya at menalangin.

Lucas 23:48

Ikit da ring taung makatipun manalbe karin ing milyaring iti at minuli la; durugdugan da la ring salu ra.

Lucas 5:8

Inyang ikit nang Simon Pedro iting mepalyari, siniklaud ya arap nang Jesus at ngana, Dumayu ka kanaku, Ginu, uling tau kung palpikasala!

Ding Dapat 2:37

Inyang dimdam da ring tau iti, meligalig la pilubluban, at ngara kang Pedro at karing aliwang apostol, Nanu ing sukat ming daptan, kapatad?

Roma 5:8

Oneng mete ya i Cristo para kekatamu kanitang makasalanan tamu pa! At iti patunayan na king kaluguran na katamu ning Dios.

2 Corinto 7:11

Lawan yu nung nanu ing bubunga na ning kalungkutan yung ibat king Dios: meging masikap kayu at magkapilit ban patutuan yu king ala kayung kasalanan karing bage deta. Kemuan yu ing sarili yu, midinan kayung takut, sabik kayu king paniatang ku, mika malasakit kayung parusan ya ing mikasala. King sablang paralan pepakit yu king ala kayung kasalanan karing bage deta.

1 Timoteo 1:15

Oyni ing metung a katutuan a kailangan dang tanggapan at paniwalan ding sabla: dinatang ya i Cristo Jesus keti king yatu ban iligtas na la ding makasalanan at aku ing marok dili karela.

Hebreo 4:16

Inya kayabe na ning matibe kapanaligan, lumapit tamu king tronu na ning Dios ba tamung tanggapan ing lunus at saup king oras ning pamangailangan tamu.

Hebreo 8:12

Patawaran ku la karing karelang kasalanan, at kalinguan ku na ing e mayap dang dapat.