Lucas 18:12 - Ing Mayap a Balita Biblia

¹² Makatadua paruminggu mag-ayunu ku; ibabie ku keka ing kapulung dake na ning sablang panakitan ku.

Lucas 18:12 Iomraidhean Croise

2 Ari 10:16

Nganang Jehu, Tuki ka kanaku ban akit mu nung nu anti karagul ing katapatan ku king Ginu. At miyabe lang miglakbe makasake king karwahe na.

Isaias 1:15

E ra ka pansinan potang itas mu la ding gamat mu king pamanalangin. E ra ka pakiramdaman agyang numanu kang manalangin makaba uling marinat la ding gamat mu uli na ning kekang kasalanan.

Malakias 3:8

Kukutang ku kekayu, matulid ing panakawanan ne ning tau ing Dios? Agyang makananu e ustu ita, makanyan man panakawanan yu ku! Makananu da kang panakawanan? ngayung kukutang. Panakawanan yu ku king kapamilatan da pring sikapulu at ding ain.

Ding Bilang 18:24

uling ing binie kung dake karela ya ing sikapulu na ning balang Israelita a babie na kanaku bilang ain a makabukud. Iti ing sangkan nung inya sinabi ku karela ing ala lang dake king gabun a mipangaku.

Ding Bilang 23:4

At pekitagpuan ne ning Ginu i Balaam. Nganang Balaam king Ginu, Pepasadia kung pitung altar at miyain metung a toro at metung a lalaking tupa king balang altar.

Mateo 5:20

Sasabian ku kekayu, nung e yu la igitan ding talaturu ning Kautusan at ding Pariseo king pamanupad king kaburian ning Dios, e kayu milub king Kayarian ning Banua.

Mateo 6:1

Ingatan yung e yu pagparangalan arap ning balen ing nanumang dapat yung kabanalan para mayaus la pansin kekayu ding tau. Uling nung makanyan, ala kayung panenayan pang ablas king Ibpa yung atyu banua.

Mateo 6:16

E yu la pakiapusan ding hipokrita neng mag-ayunu kayu. Papakit da ing makalunus la itsura ban kanita abalu da ring tau king mag-ayunu la. Ing katutuan sasabian ku kekayu, tinggap da na keti pa ing karelang ablas.

Mateo 6:5

Nung manalangin kayu, e yu la pakiapusan ding hipokrita! Maburi lang makatalakad manalangin karing sinagoga at karing suluk dalan ban kanita pakit la mu karing tau. Ing katutuan sasabian ku kekayu, tinggap da na keti pa ing ablas da.

Mateo 9:14

At kaybat dinatang la kang Jesus ding alagad nang Juan a Maminyag, at ngarang mengutang, Obat ikami ampon ding Pariseo mag-ayunu keng maralas, oneng e la bitasang mag-ayunu ding alagad mu?

Lucas 11:42

Makalunus kayu, ikayung Pariseo! Ibabie yu king Dios ing kapulung dake na ning kekayung paniangkap antimo ing paminta, bawang, at aliwa pang paniangkap a gule, oneng kakalinguan yu ing hustisia at lugud king Dios. Kailangan ing tuparan la deti kabang e yu na la man kakalinguan daraptan ding aliwa.

Lucas 17:10

Makanyan munaman kekayu; nung arapat yu na ing sablang inutus da kekayu, sabian yu, Mistula kami mung ipus; tinupad kami mu king kekaming katungkulan.

Roma 3:27

Inya nanu mo ing malyari tamung ipagparangalan? Ala! At baket pin makanyan? Uli na ning mamintu tamu king Kautusan? Ali, nune ba tamung salpantaya.

1 Corinto 1:29

Inya alang ninumang makapagmaragul arapan na ning Dios.

Galacia 1:14

Makauna kung e palak karing Judio a kasing idad ku king pamanupad king Judaismo. Maygit e palak ing katapatan ku karing kaugalian da ring kekaming makatua.

Efeso 2:9

Iti e uli na ning kekayung dapat, inya e ya kailangan magparangalan ing ninuman.

1 Timoteo 4:8

Ating ditak a pakinabang ing pamagsane king katawan. Oneng mas maragul ing pakinabang king pamagsane king kabanalan, uling atin yang daralang pangaku e mu king kasalukuyan a bie nune pati na king bie king aldo bukas.

1 Samuel 15:13

At inyang ikit neng Samuel i Saul sinabi na, Bendisyunan na ka sana ning Ginu, Samuel. Tiparan ku ing inutus na kanaku ning Ginu.