Lucas 18:11 - Ing Mayap a Balita Biblia

¹¹ Tinalakad ya ing Pariseo at nganang menalangin king sarili na, O Dios, pasalamat ku keka king e ra ku kalupa ding aliwang tau; e ku mapanako, e ku mapamirait, e ku makipangalugud o kalupa na ning talapanyingil buis a ini.

Lucas 18:11 Iomraidhean Croise

Ding Dalit 134:1

Meko keni, ikong talasuyu na, ikong susuyu kabukas king Templo na, lumapit kayu at purian ye ing Ginu.

Ding Dalit 135:2

ikong susuyu kilub nang Templo ning kekatamung Dios.

Ding Kasebian 20:6

Ing metung at metung sasabian na ing katapatan na, oneng manakit ka kayang taung apanaligan?

Ding Kasebian 30:12

Ating taung isipan da ing malinis la, oneng king kamatutuanan ala lang kalupa king karinatan.

Isaias 1:15

E ra ka pansinan potang itas mu la ding gamat mu king pamanalangin. E ra ka pakiramdaman agyang numanu kang manalangin makaba uling marinat la ding gamat mu uli na ning kekang kasalanan.

Isaias 58:2

Sasamban da ku aldo-aldo at sasabian da king matula da lang buring abalu ding tuntunan ku at pamintuan ding kanakung kautusan. Aduan da ing dinan ku lang kautusan a makatuliran at matutula lang sasamba kanaku.

Isaias 65:5

At sasabian da pa karing aliwa king e la sukat lalapit karela pota atagkil da la uli mo kanung tutu lang banal. E ku na la apibata deng taung makanyan! Mengari king aping e matatda ing mua ku karela.

Jeremias 2:28

Nu la karin ding kikilalanan yung dios a kekong gewa? Paburen yung ila ding magligtas kekayu, nung agyu ra, potang atyu kayu king kaligaligan. Juda, nung makananu la karakal ding kekang siudad makanyan la naman karakal ding kekang kikilalanan a dios.

Jeremias 2:35

keka pang sasabian, Ala kung kasalanan; talagang e ne mua kanaku ing Ginu. Oneng aku, ing Ginu, parusan da ka uling lilingad mu ing depat mung pamikasala.

Ezekiel 33:31

Datangan da ka ring taung kanakung pinili ban makiramdam king kekang sabian, oneng e ra daraptan itang dimdam dang sukat dang daptan. Mayayama la king pamagsalita mu, oneng e la magbayu pamibiebie.

Mikeas 3:11

Manungkulan la ding manimuna ning siudad para mu king suhul, babie lang palino ding pari tungkul king Kautusan uli na ning salapi; pabayad la naman ding propeta king pamanula ra at sasabian da ngan king atyu karela ing Ginu. Ngara, E ya wari atyu libutad tamu ing Gino? Inya alang e mayap a dugpa kekatamu.

Mateo 10:3

i Felipe at i Bartolome; i Tomas at i Mateo a talapanyingil buis; i Santiago a anak nang Alfeo at i Tadeo;

Mateo 5:20

Sasabian ku kekayu, nung e yu la igitan ding talaturu ning Kautusan at ding Pariseo king pamanupad king kaburian ning Dios, e kayu milub king Kayarian ning Banua.

Mateo 6:5

Nung manalangin kayu, e yu la pakiapusan ding hipokrita! Maburi lang makatalakad manalangin karing sinagoga at karing suluk dalan ban kanita pakit la mu karing tau. Ing katutuan sasabian ku kekayu, tinggap da na keti pa ing ablas da.

Marcos 11:25

At neng tatalakad kayu ban manalangin, patawaran ye ing ninumang mikasala kekayu ban i Ibpa yung atyu banua patawaran na kayu naman. [

Lucas 20:47

Ila ding gigisan king kabiayan da ring mebalung babai, at kaybat magkunwaring manalangin makaba! Lalung mabayat ing dugpang parusa karela!

Lucas 22:41

Dinayu yang bagya karela; siniklaud ya at menalangin.

Galacia 3:10

Ding sablang magtiwala king pamamintu king Kautusan mabibie la lalam na ning metung a sumpa. Uling sasabian na ning kasulatan, Makasumpa ya ninumang e mamintu king sablang makasulat king libru na ning Kautusan!

Filipos 3:6

Tutu keng pigmasakit ing Kautusan angga king gilu ke ing iglesia. Inya nung tungkul mu king pamanupad karing kautusan, ala lang apintas kanaku.

Kapahayagan 3:17

Sasabian mu, Mabandi ku at labis-labis king sablang bage! Oneng e mu balu king tutu kang gipit at makalunus! Kalulu ka, lubas, at bulag.