Lucas 18:1 - Ing Mayap a Balita Biblia

¹ Selita neng Jesus karela ing metung a talimhaga ban ituru na karela king sukat lang parating manalangin at e la kapilan man mimina lub.

Lucas 18:1 Iomraidhean Croise

Ding Dalit 102:17

Saingsing ding misasakitan keyang pakiramdaman, at karelang panalangin keyang pansinan.

Ding Dalit 27:13

Iti ya ing paniwalan ku: takman ku ing kayapan ning Ginu keting kasalukuyan a panaun.

Ding Dalit 65:2

uling kekeng dalangin kekang pakibatan, inya ding sablang makasalanan ika ing karelang lapitan.

Ding Dalit 86:3

Ika ing kakung Dios, inya malunus ka sa kaku; patitingapun ika ing kakung ausan.

Isaias 40:31

Oneng detang manalig king Ginu ban pasaup manakit lang bayung sikanan. Sulapo lang anti ding agila; mulayi la, oneng e la magal; lumakad la, oneng e la mina.

Isaias 62:7

E re sukat patugutan ing Ginu anggang ing Jerusalem e ne italakad pasibayu, at anggang e ya maging siudad a pupurian ning mabilug a yatu.

Jeremias 29:12

Maus kayu kanita kanaku. Lumapit kayu kanaku at manalangin, at pakibatan da kayu.

Jonas 2:7

Inyang mengalambut na ku, menalangin ku keka, O Ginu, at king banal mung Templo dimdam mu ku.

Lucas 11:10

Uling ing balang maniawad miririnan ya; ing balang manintun manakit ya, at ing balang tutuktuk mibuklatanan ya.

Lucas 21:36

Inya, magsadia kayu king balang oras; manalangin alang patugut ban mika sikanan kayu at aligtasan yu ing sablang mangapalyari at ban makayarap kayu king Anak ning Tau.

Roma 12:12

Tumula kayu uli na ning kekayung kapanayan. Mibabata kayu king oras ning kekayung kapagsubukan, at manatili kayu sa king pamanalangin.

2 Corinto 4:1

Uli na ning lunus ning Dios, pinili na kami para king obrang iti, inya naman e ke mimina lub.

Galacia 6:9

Inya e tamu sa sasawan ing pamaniapat mayap; nung biasa tamung mibabata angga king wakas, mupul tamu paniatang na ning panaun a makatuldu.

Efeso 6:18

Daptan yu ing sablang iti king kapamilatan na ning panalangin at pamagamuamu king Dios. Manalangin kayu king sablang oras king patnube ning Espiritu. Inya parati kayung makasadia at manatiling manalangin para karing sablang pinili na ning Dios.

Filipos 4:6

E kayu paibalisa lub, nune king sabla yung pamanalangin aduan yu king Dios ing kekayung kailangan, at king pamaniawad yu e yu kakalinguan pasalamat keya.

Colosas 4:12

Pakomusta na kayung Epafras, ing metung pa munamang menibatan king grupu yu at talasuyu nang Cristo Jesus. Taimtim na kayung ipanalangin parati; aduan na king Dios ing gawan na kayu sanang matatag at lubus mapamintu king kaburian na.

Colosas 4:2

Manatili kayung manalangin taimtim at e kayu mamatukba neng manalangin kayu at pasalamat kayu king Dios.

1 Tesalonica 5:17

manalangin kayung alang patugut.

1 Samuel 1:12

Pagumasdan na ne man palang Eli i Ana kabang manalangin ya.