Lucas 17:3 - Ing Mayap a Balita Biblia

³ Inya mingat kayu! Nung mikasala ya ing kapatad mu, sabianan me; patawaran me nung sumisi ya.

Lucas 17:3 Iomraidhean Croise

Ding Dalit 141:5

Ing mayap a tau malyari na kung parusan o sabianan, iti bunga ning mayap nang pilubluban; oneng kapilan man e ku tanggapan ing kapurian ding e mayap a tau, uling alang tuknang manalangin ku laban king e ustu dang pamaniaptan.

Exodo 34:12

E kayu gagawang nanumang pamakikasundu karing manuknangan king lugal a malapit yu nang dasan, uling iti malyaring maging metung a bitag para kekayu.

Ding Kasebian 17:10

Ing taung biasa agad yang mabibiasa king ditak a kekang sabian kesa king mangmang a ulit-ulitan babarugan.

Ding Kasebian 27:5

Mas mayap ing sabianan da ka king daramdaman da ring dakal kesa ketang lugud a pamagkunwari mu.

Ding Kasebian 9:8

Kapilan man e me sasabianan ing taung palalu, uling pikasaman na ka mu. Nung ing sabianan mu tau yang biasa igalang na ka pa.

Levitico 19:17

E kayu tatanam mua laban kenu man nune makipagsalita kayung tapatan ban e kayu mikasala king uli na.

Mateo 18:21

Kanita linapit ya i Pedro kang Jesus at kitang na, Ginu, makatapilan ke patawaran ing kapatad kung mikasala? Makatapitung beses?

Lucas 21:34

Mingat kayu! E yu paburen ing mipasoso kayu king katakawan at pamaglasing, at e kayu paibalisa king pamanintun kabiayan, pota dasnan na kayu ning Aldong ita a e kayu makasadia.

Efeso 5:15

Inya ingatan yung masalese ing kekayung pamibiebie. Mibiebie kayung anting biasa at e anting mangmang.

Deuteronomio 4:15

Inya mingat kayu. Anti na ning ala kayung ikit nanumang anyu, inyang pekipagsalitan na kayu libutad ning api karin king Bunduk ning Sinai,

Deuteronomio 4:23

Mu pin, mingat kayu, pota kalinguan ye ing kasunduan a gewa na kekayu ning Ginung kekayung Dios o makagawa kayung larawan at kaybat samban ye. Iti babawal na ning Ginung kekayung Dios.

Deuteronomio 4:9

Oneng mingat kayu at maging alistu kabang bie yu; pota akalinguan yu la ding bage a ikit da ring mata yu. Sabian yu la karing anak yu at karing apu yu

Hebreo 12:15

Ingatan yu king ing ninuman e ya mangalinguan king lugud na ning Dios. Ingatan yung ing ninuman kekayu e ya maging kalupa na ning tanaman a makalasun a tutubu, at makasakit karing sablang darasnan na.

Santiago 5:19

Kapatad, nung mililisia ya king katutuan ing metung kekayu at ing metung naman apapabalik ne lub,

2 Juan 1:8

Inya mingat kayu ban e mayalang kabaldugan ing pipagalan yu, nune tanggapan yung lubus ing kekayung ablas.