Lucas 16:8 - Ing Mayap a Balita Biblia

⁸ Pinuri ne ning panginuan ing mapamirait a katiwala uli na ning pepakit nang katosuan. Uling maygit lang biasang mamahala ding taung maka-yatu kesa karing taung maka-Dios.

Lucas 16:8 Iomraidhean Croise

Genesis 3:1

Ngeni, ing ubingan ya ing mautak dili karing animal a lelangan na ning Ginung Dios. Nganang mengutang ning ubingan king babai, Tutu pin king binawal na kayung mangan ning Dios king isanu pa mang bungang tanaman king mulahan?

2 Samuel 13:3

Atin yang kakaluguran a mautak i Amnon; i Jonadab. Pisan ne i Jonadab uling anak neng Simea a kapatad nang David.

2 Ari 10:19

Ausan yu la ngan ding propeta nang Baal, ding pari na, at ding sasamba kang Baal. Ala kayung kakalinguan metung man karela uling miyain kung maragul a ain-sakripisyu kang Baal. Paten ya ing ninumang e datang. Iti paralan nia mung Jehu uling buri na la ngang paten ding sasamba kang Baal.

Ding Dalit 17:14

Ginu, iligtas mu ku karing taung anti kareti; gamat mung mayupaya gamitan mu ne kareting taung labis-labis king pagkabie; parusan mu la ketang parusang sidia mu karela; ding anak at apu ra idame mu la.

Exodo 1:10

Nung sakaling lusuban da katamu ding kalaban pota makikampi la pa karela at kaybat takasan de ing bansa tamu. Inya kailangan tamung lumawe paralan ban e na la dakal pa.

Ding Kasebian 12:8

Pupurian ya ing taung gagamit ustu king keyang kabiasnan, oneng kalibakan ing tanggapan na ning taung mangmang.

Mateo 12:32

Malyari yang mipatawaran ing ninumang ating sasabian laban king Anak ning Tau; oneng e ya malyaring mipatawaran ing ninumang magsalitang laban king Banal a Espiritu, ngeni o king kapilan pa man.

Mateo 17:26

Pekibat nang Pedro, Karing dayuan. Nung makanyan, nganang Jesus, e la sukat mamayad ding memalen a sasakupan da.

Lucas 16:10

Ing tapat king malating bage a mipagkatiwala keya, tapat ya naman king maragul a bage a mipagkatiwala keya; ing e mu apagkatiwalan king malating bage, e mia naman apagkatiwalan king maragul a bage.

Lucas 16:4

A, balu ku na ing daptan ku! Milako ku man king obra atin namang tanggap kanaku karing pibalebale ra.

Lucas 16:7

Kitnan ne ing kadua, Ika, nu anti ing utang mu? Pekibat na, Dinalan a kaban a trigu. Ngana ning katiwala, Oyni ing kasulatan na ning utang mo. Walung pulu ing isulat mu.

Lucas 18:6

At ngana ning Ginu, Dimdam yu ing sinabi na ning marawak a ukum.

Lucas 20:34

Nganang mekibat Jesus karela, Miyayasawa la ding lalaki at babai king kapanaunan a iti,

Lucas 20:35

oneng e na la makiasawa ding lalaki at babaing kabilang karing subling mie.

Juan 12:36

Kabang atyu kekayu ing sala, maniwala kayu king sala ban maging talatuki na kayu ning sala. Inyang asabi nang Jesus iti, meko ya at selikutan na la.

1 Corinto 3:18

E na sukat pipiraitnan ning ninuman ing sarili na. Nung atin kekayung mimisip king biasa ya agpang king paglalawe na ning yatung iti, sukat yang magpakamangmang ba yang maging tune biasa.

Efeso 5:8

King panaun a milabas atyu kayu king karalumduman, oneng ngeni atyu kayu king sala uling atyu kayu king Ginu. Mibiebie kayu antimo ing karapatdapat dang daptan ding taung atyu king sala.

Filipos 3:19

Deti pawa la ngang papunta king impierno, uling ing karelang atian ya ing gagawan dang dios da. Pagmaragul da pa itang sukat da sanang pikarine. Ing bukud mung maulaga karela ila ding miyayaliwang bage keti king yatu.

1 Tesalonica 5:5

Ikayung sabla anak na kayu ning sala at anak na ning aldo. E tamu para king dalumdum o para king bengi.

1 Pedro 2:9

Oneng ikayu metung kayung lahing mepili, pari kayung susuyu king Ari, banal kayung bansa, at memalen a pepasubali na ning Dios, at pinili nang magsalita karing makapagmulala nang dapat. Inaus na kayu ibat king karalumduman at linipat na kayu king makapagmulala nang sala.

1 Juan 3:10

Kaniti makilala nung ninu ding tune anak na ning Dios at nung ninu ding tune nang anak ning diablo: ing ninumang e darapat matulid at e lulugud king kapatad na e ne anak ning Dios.