Lucas 16:25 - Ing Mayap a Balita Biblia

²⁵ Oneng nganang Abraham, Anak ko, ganakan mu king kanitang atyu ka king yatu migpakasawa ka king mangayap a bage at mibata yang kasakitan i Lazaro. Oneng ngeni mipaligayan ya keni kabang ika naman magdusa ka.

Lucas 16:25 Iomraidhean Croise

Job 22:18

Makanyan man ing Dios ya ing maki gawa king pangabandi ra; e ku la aintindian a pamisip detang taung e mayap.

Ding Dalit 17:14

Ginu, iligtas mu ku karing taung anti kareti; gamat mung mayupaya gamitan mu ne kareting taung labis-labis king pagkabie; parusan mu la ketang parusang sidia mu karela; ding anak at apu ra idame mu la.

Ding Dalit 49:11

Ding karelang pantiun ilang maging karelang tuknangan kapilan man; maging tuknangan da lang alang kapupusan, agyang pang ing gabun a seli da makalagyu karela.

Ding Dalit 73:7

Ding pusu ra mitmu lang kasalanan; e mayap ing parati dang isipan.

Ding Tagulele 1:7

Lasak-lasak ya't makalunus ngeni ing Jerusalem; agaganaka na itang milabas nang leguan. Ala metung mang sinaup inyang karing kalaban mebaldug ya; kalaban na keylian da ing pangasambut na.

Daniel 5:30

King bengi mu ring ita, pete re i Belsazar a ari ning Babilonia.

Mateo 27:63

at ngara, Ginung Gobernador, atatandanan mi pu ing sinabi na nitang mapaglinlang a ita kanitang mabie ya. Sinabi na king subli yang mie kaybat da ring atlung aldo.

Marcos 9:45

At nung ing bitis mu ya ing panibatan na ning pamikasala mu, pututan me! Mayap pa ing metung ka bitis lungub banua kesa king adua ka bitis miyugse king impierno. [

Lucas 16:20

At atin munamang pulubi a milagyuan Lazaro; mitmu yang sugat at atyu lele nang pasbul ning mabandi.

Lucas 16:23

Kabang magdusa ya king Hades, tinalanga ya ing mabandi at ikit ne king marayu i Abraham at i Lazaro a atyu siping na.

Lucas 16:26

Bukud pa king sablang yan, atyu pilatan tamu ing metung a maragul a bangin. Inya e la makapunta keni ding atyu ken, at ding atyu ken e la makapunta keni.

Lucas 6:24

Oneng kalulu na kayu, ikong mabandi ngeni; tikman yu na ing kanawan!

Juan 16:33

Sinabi ku la deting bage ban mika kapayapan kayu king pamakiabe yu kanaku. Mika kasakitan kayu keti king yatu; oneng magpakatatag kayu! Migtagumpe na ku king yatu!

Ding Dapat 14:22

Pepasiknangan da la lub ding talasalpantaya a disnan da karin at inusukan da lang manatili king kasalpantayanan. Ngarang sinabi, Kailangan ta ngan dumalan dakal a kasakitan bayu tamu milub king Kayarian ning Dios.

Roma 8:7

Inya maging kalaban ne ning Dios ing taung mimisip ketang aduan na ning katutubu rang pangatau, uling iti e mamintu king kautusan na ning Dios, at king kamatutuanan e na agyung pamintuan.

Deuteronomio 28:17

Misumpa ing tenam yu at ing sasadia yung pagkabiayan.

Filipos 3:19

Deti pawa la ngang papunta king impierno, uling ing karelang atian ya ing gagawan dang dios da. Pagmaragul da pa itang sukat da sanang pikarine. Ing bukud mung maulaga karela ila ding miyayaliwang bage keti king yatu.

1 Tesalonica 3:3

ban kanita e ya painggulut ing ninuman kekayu uli na ning pamagligalig da kekayu. Ikayu mismu balu yu king ding kaligaligan dake na la ning kaburian na ning Dios para kekatamu.

Hebreo 11:25

Birian nang diname king kasakitan da ring taung pinili na ning Dios kesa king magpasasa ya king pamikasalang babie pansamantalang tula.

1 Juan 2:15

E ye luluguran ing yatu o ding bage atyu king yatu. Ing lulugud king yatu e ya lulugud king Ibpa.

Kapahayagan 7:14

Pekibat ku, E ku pu balu, ginu. Ikayu pu ing makibalu. Ngana kanaku, Ila deti ring migtagumpe king maragul a pangalupig. Pinipi ra at pepalto puti ing imalan da king kapamilatan na ning daya ning Kordero.