Lucas 16:23 - Ing Mayap a Balita Biblia

²³ Kabang magdusa ya king Hades, tinalanga ya ing mabandi at ikit ne king marayu i Abraham at i Lazaro a atyu siping na.

Lucas 16:23 Iomraidhean Croise

Ding Dalit 16:10

E mu paintulut ing miras ku king tuknangan da ring mete ni e mu itulut king ing kekang kakaluguran dungdungan ne ing kutkutan.

Ding Dalit 49:15

Oneng ing Dios iligtas na ku; iligtas na ku king upaya ning kamatayan.

Ding Dalit 86:13

Tutung maragul ing alang kupas a lugud mu kaku; king malalam a kutkutan linigtas mu ku.

Ding Dalit 9:17

King Sheol la miras ding taung e mayap, pati na ding bansang king Dios e bisang tanggap.

Ding Kasebian 15:24

Papunta ya king bie ing dalan da ring biasa; e ya papunta king kutkutan.

Ding Kasebian 5:5

Durulung la ding bitis na king kutkutan at ding lakbang na papunta la king kamatayan.

Ding Kasebian 7:27

Ing bale na papunta ya king kutkutan da ring mete; metung yang dalan ning kamatayan.

Ding Kasebian 9:18

E ra balu ding abibiktima na king ding taung lulub king pibalebale na mate la; king detang linub na karin atyu na la ngeni king kalalalaman ning kutkutan da ring mete.

Isaias 14:15

Lugal king dasnan mu yan, menakbag ka king pekamalalam nang dake ning tuknangan da ring mete.

Isaias 14:9

Magsadia ya ing tuknangan da ring mete ban salubungan ne ing ari na ning Babilonia. Mililingat na la ding kaladua da ring meging mayupaya keti king yatu. Mibabangun la ding kaladua da ring aring ibat karing karelang tronu.

Mateo 11:23

At ika naman Capernaum, buri mung itas angga banua ing sarili mo? Misaldak ka angga king kalalalaman na ning impierno! Nung ding milagru a merapat keka king Sodoma la mu merapat, angga ngeni sana atyu pa!

Mateo 18:9

At nung ing mata mu ya ing babie dalan king pamikasala mu, dukitan me at iyugse! Mayap pa ing lungub kang metung a mata karin banua kesa king adua ka matang miyugse king api na ning impierno.

Mateo 23:33

Kamamalu, lahing ubingan! Makananu yung alisian ing pangaparusan yu king impierno?

Mateo 5:22

Oneng ngeni sasabian ku kekayu: ninuman ing mimua king kapatad na mika pakibatan ya king arapan ning husgadu; ing ninuman maninsultu king kapatad na mika pakibatan ya king arapan ning Sanhedrin, at ninuman ing sumabi king kapatad na, Ala kang isip! miyugse ya king api ning impierno.

Mateo 5:29

Nung ing kekang mata ya ing maging sangkan ning kekang pamikasala, dukitan me at iyugse! Mayap pa ing ala kang metung a dake ning katawan kesa king ala yang bawas miyugse king impierno ing kekang katawan.

Mateo 8:29

Kabud-abud ngarang kinulisak, Anak ning Dios, baket pakialaman mu kami? Dinatang ka wari keti ba mu keng pasakitan agyang e pa miras ing mituldung panaun?

Lucas 16:24

At nganang kinulait ning mabandi, Tatang Abraham, malunus kayu kanaku. Utusan ye i Lazaro ba neng basan danum ing sepu na ning taliri na at parimlan ne ing dila ku uling magkasakit ku king aping ini!

Lucas 16:28

uling atin kung limang kapatad a lalaki. Itubud ye karin ba na lang dinan babala, kanita ila mu man e la miras keting lugal ning pamagdusa.

Lucas 8:28

Kinulisak yang masikan panakit na kang Jesus; migsakab ya arap na at ngana, Jesus, Anak ning Kakataskatasan a Dios! Nanu ing buri mung daptan kanaku? Pakisabi kung mayap keka ing e mu ku sana panasakitan!

1 Corinto 15:55

O Kamatayan, nukarin ing kekang tagumpe? O Kamatayan, nukarin ing kekang upayang manyira?

2 Pedro 2:4

E na la penupaya ning Dios ding anghel a mikasala; kilung na la king impierno at panenayan da karin king karalumduman ing Aldo ning Pamanukum.

Kapahayagan 20:10

At miyugse ya ing diablong miglinlang karela king dagat-dagatan na ning api at asupri a piyugsiyanan munaman king animal a mabagsik at king e tutung propeta; miyabe-abe lang miparusan karin aldo't bengi angga king kapilan pa man.