Lucas 16:22 - Ing Mayap a Balita Biblia

²² Mete ya ing pulubi at dela de ring anghel king siping nang Abraham. Mete ya naman ing mabandi at mikutkut.

Lucas 16:22 Iomraidhean Croise

Job 21:13

Mabibie la king kanawan, at king katahimikan muli la king karelang kutkutan.

Ding Kasebian 14:32

Ing dapat ding taung e mayap ya ing pasari king karelang pangabagsak, oneng ding karing taung mayap ya ing malinis dang dapat.

Ecclesiastes 8:10

Ikit ku lang milibing ding taung e mayap; mepuri la karing mekipaglibing king mismung lugal nung nu la dinapat e mayap. Ala munanamang kabaldugan iti.

Isaias 14:18

Pakakera la ding sablang ari keti king yatu karing maragul at malagung pantiun;

Isaias 22:16

Sebna, ninu wari ika? Nanu ing matulid mung dumukit pantiun karing mabatung libis ning bunduk-bundukan?

Mateo 18:10

Pangilagan yung e ye insultuan ing metung karing malating deti. Sasabian ku kekayu, ding anghel da karin banua atyu la kapilan man king arapan nang Ibpa kung atyu banua. [

Mateo 24:31

Maramdam ya ing matning trumpeta at itubud na la ding anghel na karing apat nang suluk ning yatu; tipunan da la ring taung pinili na ibat king mabilug a yatu.

Mateo 8:11

Tandanan yu: dakal la ding datang ibat king aslagan at ibat king albugan at makisulu la kang Abraham, Isaac, at Jacob king Kayarian ning Banua.

Marcos 8:36

Atin ya waring apala ing tau nung abandi ne ing mabilug a yatu oneng mawala ne man ing bie na?

Lucas 12:20

Oneng ngana ning Dios keya, Mangmang! Ngening bengi mate ka; kaninu mipunta ing pibandian a tinipun mu?

Lucas 16:21

Bisa yang makapangan agyang king mugmug a mananabu ibat king lamesa na ning mabandi. Aliwa mu ita, lalapitan de pa ding asu at didilatan da la ring sugat na.

Juan 1:18

Ala pang menakit king Dios; oneng mipakilala ya ing Dios karing tau king kapamilatan na ning bugtung nang Anak; ing Anak a kayabe ning Ibpa king panga-Dios at kaluguran nang tutu.

Juan 13:23

Makahilig yang malapit kang Jesus ing pakamalan nang dili karing alagad na.

Juan 21:20

Melikid ya i Pedro at ikit ne king kagulutan na ing alagad a pakamalan nang Jesus; ya itang linapit king salu nang Jesus inyang mag-apunan la at kinutang, Ginu, ninu ing magtaksil keka?

Hebreo 1:14

Nung makanyan, nanu la pin mo ding anghel? Pawa lang espiritung susuyu king Dios, at tutuburan nang sumaup karing sablang tanggap kaligtasan.

Hebreo 2:14

Anti na ning ding sablang anak, antimo ing aus na karela, tau lang ating laman at daya, i Jesus mismu mekilupa ya karela at mekisanmetung ya king karelang pangatau. Depat na iti ban king kapamilatan na ning kamatayan na akua neng paten ing diablo a makikayupayan king kamatayan.

Santiago 1:11

Kaslag na ning mapaling aldo malalanat ing dikut; matanggal la ding sampaga na at ala na ing sadia rang leguan. Makanyan munaman ing mapalyari king taung atinan: kasalukuyan nang pasulungan ing negosyu na at kabud nia mu lumbug.

1 Pedro 2:24

Dela na la king katawan nang Cristo ding kasalanan tamu kanitang pinaku de king krus ban kanita itamu mate ta na king kasalanan at mie tamu king katuliran. King kapamilatan da ring sugat a tinggap na, kinayap kayu.

Kapahayagan 14:13

At dimdam ke ing metung a siwalang ibat banua. Ngana, Isulat mu iti: Ibat ngeni mapalad la ding mamate susuyu king Ginu. Wa, ngana ning Espiritu, mipaynawa la king karelang mabayat a obra, uling tuki karela ing bunga na ning dapat da.