Lucas 16:21 - Ing Mayap a Balita Biblia

²¹ Bisa yang makapangan agyang king mugmug a mananabu ibat king lamesa na ning mabandi. Aliwa mu ita, lalapitan de pa ding asu at didilatan da la ring sugat na.

Lucas 16:21 Iomraidhean Croise

Mateo 15:27

Tutu pu ita, ginu, nganang tinutul ning babai, oneng makapangan no man ding asu agyang king mugmug a mangayugse king lamesa da ring karelang amu.

Marcos 7:28

Tutu pin pu ita, ginu, nganang sinabi ning babai, oneng agyang ding asu lalam ning lamesa makapangan la king ayuyugse da ring anak!

Lucas 16:20

At atin munamang pulubi a milagyuan Lazaro; mitmu yang sugat at atyu lele nang pasbul ning mabandi.

Lucas 16:22

Mete ya ing pulubi at dela de ring anghel king siping nang Abraham. Mete ya naman ing mabandi at mikutkut.

Juan 6:12

Inyang kinabsi la ngan, sinabi na karing alagad na, Tipunan yu la ding pisipising mitagan ban alang masayang.

1 Corinto 4:11

Angga kaniting kaorasan danupan kami at mau; halus ala keng isulud; metampalasan kami; alang tuknangan.

2 Corinto 11:27

Delanan ku ing dakal a kapagalan at kasakitan, ing maralas a kapuyatan, danup at kau. Tikman ku munaman ing alang apangan, ing dimla, at alang salilungan.