Lucas 16:2 - Ing Mayap a Balita Biblia

² Inya pepayaus ne at kitang na, Nanu ing ababalitan ku tungkul keka? Munie kang kwenta kanaku tungkul king kekang pamanibala king pibandian ku uling e na ka malyaring maging katiwala ku.

Lucas 16:2 Iomraidhean Croise

Ecclesiastes 12:14

Atulan na ning Dios ing sablang kekatamung daraptan king hayagan o king lihim, mayap o e mayap.

Mateo 12:36

At oyni ing asabi ku kekayu: king Aldo ning Pamanukum pakibatan ding tau ing balang amanung sasabian da a alang silbi.

Mateo 20:8

Inyang mabengi na, ngana ning makibandi king katiwala na, Ausan mu na la deng magobra at bayaran mu la king karelang upa. Magumpisa ka karing tauling meyakua at itauli mu la ding minuna.

Lucas 12:20

Oneng ngana ning Dios keya, Mangmang! Ngening bengi mate ka; kaninu mipunta ing pibandian a tinipun mu?

Lucas 12:42

Pekibat ning Ginu, Ninu wari ing ipus a tapat at matalino? Aliwa wari itang panibalan na ning panginuan na king pibalebale na ban munie pamangan karing aliwa pang ipus king oras ning pamangailangan da?

Lucas 16:1

Nganang Jesus karing alagad na, Kanitang misan, ating mabandi a ating metung a katiwala. Simbung da king ing pibandian na panyiran na mu ning katiwala.

Lucas 16:3

Ngana ning katiwala king sarili na, Lalako na na ku ning panginuan ku king pangakatiwala. Nanu ing daptan ku? E ku agyung sarul; makarine naman nung magpalimus ku.

Roma 14:12

Inya king Dios ya munie kwenta ing balang metung at metung tungkul king sarili na.

1 Corinto 1:11

Kapatad, abalitan ku king kapamilatan da ring mapilan nang tauan Cloe king mipatepate kayu kanu.

1 Corinto 4:2

Metung ya ing bage mayayawad king taung mamahala: ing maging tapat ya sa.

1 Corinto 4:5

Inya e kayu dapat mamatul kaninu man bayu miras ing oras. Manaya kayu angga king paniatang na ning Ginu a munie kamasalan karing mangalalam a lihim, at mibulalag king makasalikut dang parasan ding sablang tau. Kanita na tanggapan king Dios ning balang katau ing kapurian a mangaintulid keya.

2 Corinto 5:10

Uling marap tamu ngan king piukuman nang Cristo ban tanggap king mayap o marawak a pangaintuliran na ning depat tamu inyang mabibie tamu keti king yatu.

1 Timoteo 4:14

E mu paburen ing regalung espiritual a atyu keka a miyabie keka inyang mangamanu la ding propeta, at inyang ding makatua na ning iglesia timpak da la ring gamat da keka.

1 Timoteo 5:24

Ing kasalanan da ring mapilan a tau mayayakit na bayu pa miras king husgadu, oneng ing kasalanan da ring aliwa mayakit king katataulian.

1 Pedro 4:10

Ing balang metung, bilang mayap a talapangasiwa na ning miyayaliwa nang regalu ning Dios, sukat nang gamitan para king ikakayap ning metung at metung ing isanu mang regalu a makapasubali nang tinggap king Dios.

1 Pedro 4:5

Oneng pakibatan da iti arapan na ning Dios a makasadiang mukum karing mabie at karing mete.

Kapahayagan 20:12

At ikit ku lang makatalakad arap ning tronu ding mete, marangal at alang dangalan at mibuklat la ding libru. Mibuklat ya naman ing metung pang libru, ing libru ning bie. Miyatulan la ding mete agpang ketang depat da antimo ing makasulat karing libru.