Lucas 16:16 - Ing Mayap a Balita Biblia

¹⁶ Ing Kautusan nang Moises at ing sinulat da ring propeta mipairal angga mu ketang panaun a dinatang ya i Juan a Maminyag. Manibat na kanita, mipanaral ne ing Mayap a Balita tungkul king Kayarian ning Dios, at ing balang metung magkapilit yang milub kaniti.

Lucas 16:16 Iomraidhean Croise

Mateo 10:7

King paglakad yu, ipanaral yu king ing Kayarian ning Banua malapit ne!

Mateo 15:11

Aliwa ing lulub king asbuk ning tau ing makarinat keya nune itang lulual king asbuk na.

Mateo 21:32

Uling dinatang ya i Juan kekayu at tiru ne kekayu ing dalan na ning kabanalan at e kayu meniwala keya; oneng meniwala la ding talapanyingil buis at ding babaing magtinda king katawan da. Agyang ikit yu na iti, e kayu pa mu rin migbayung bie at e meniwala kang Juan.

Mateo 3:2

Nganang menaral: Sumisi kayu at painggulut karing kasalanan yu, uling malapit ne ing Kayarian ning Banua.

Mateo 4:17

Manibat na kanita megumpisa yang menaral i Jesus. Ngana: Sumisi kayu at painggulut karing kasalanan yu uling malapit ne ing Kayarian ning Banua!

Mateo 4:23

Leganasan neng pintalan Jesus ing mabilug a Galilea; tinuru ya karing karelang sinagoga at penaral na ing Mayap a Balita tungkul king Kayarian ning Banua. Pepakayap na la naman ding tau king miyayaliwa rang sakit at kapanamdaman.

Marcos 1:14

Inyang mesukul ya i Juan minta ya i Jesus king Galilea at penaral na ing Mayap a Balita a ibat king Dios.

Marcos 1:45

Oneng meko ya at pemalita na ing milyari. Uli na nita, e ne milub hayagan i Jesus king balen. Makagyu na mu ing atyu king lual na ning balen, karing lugal a tahimik at karin de pagsarian ding taung manibat karing miyayaliwang lugal.

Lucas 10:11

Agyang ing alikabuk ning balen yu a mipakat karing bitis mi ipagpag ming antimong tutul kekayu; oneng tandanan yu iti, ing Kayarian ning Dios malapit ne kekayu!

Lucas 10:9

Pakayapan yu la ding masakit karin at sabian yu karela, Ing Kayarian ning Dios malapit ne kekayu.

Lucas 16:29

Oneng sinabi nang Abraham, Atyu ya karela i Moises at ding propeta; paburen mu lang makiramdam karela.

Lucas 16:31

Sinabi nang Abraham, Nung e la makiramdam kang Moises at karing propeta e la munaman maniwala agyang king mete a sinubling mebie.

Lucas 9:2

Tiburan na la namang manaral tungkul king Kayarian ning Dios at pakayap karing masakit.

Juan 1:45

Penintun neng Felipe i Nathanael at ngana keya inyang ikit ne, Atagpuan mi ya itang mababanggit king libru na ning Kautusan a sinulat nang Moises at mababanggit munaman karing kasulatan da ring propeta: i Jesus ning Nazaret a anak nang Jose.

Juan 11:48

Nung paburen ta niang makanyan, maniwala la keya ding sabla at datang la ding tau Roma at lasakan de ing kekatamung Templo at ing kekatamung bansa!

Juan 12:19

Inya ngara ding Pariseo king metung at metung, Lawan yu, ala tamung akarapat! Tutukian de ring sablang tau!

Juan 5:4

uling ating oras a ing metung a anghel na ning Ginu durulung ya at gagalon na ing danum. Ing mumunang midulung kaybat nang megalo ning danum kumayap ya king nanumang sakit a panamdaman na.]

Ding Dapat 3:18

makanyan nang birian nang metupad ning Dios itang meula nang makapauna, inyang king kapamilatan da ring sablang propeta sinabi na king ing Cristo na dumalan yang kasakitan.