Lucas 16:15 - Ing Mayap a Balita Biblia

¹⁵ Inya sinabi na karela, Ikayu ding magpanggap banal king arapan da ring tau, oneng akikilala na ning Dios ing atyu karing pusu yu. Uling ing isipan dang maulaga ding tau, ya naman ing alang ulaga king panimanman na ning Dios.

Lucas 16:15 Iomraidhean Croise

1 Cronica 29:17

Balu ku, O Dios, king sasalugsugan me ing pusu at tutula ka karing taung matulid. Iyain ku ngan iti king kusang lub. Ikit kung matula ing kalausan dang lub minie deting taung kekang memalen.

2 Cronica 6:30

pakiramdaman mu la sana kanita ken king banua at patawaran ing depat dang pamikasala, uling ikang bukud ing makibalu king pusu ning tau. Inya ika ing munie ablas agpang king depat da.

Ding Dalit 10:3

Ing taung e mayap pagmaragul na pa ing e mayap nang nasa ning pusu na; angga king ing Ginu pituya-tuya ne at susumpa.

Ding Dalit 49:13

Iti ya ing apala da ring kontentu king pibandian da.

Ding Dalit 49:18

Agyang pang king bie na kontentu ya, at pinuri ding tau uling masuerti ya,

Ding Dalit 7:9

O Dios a e mangabiran a talasuri ning pusu at kaisipan, ding taung mitmung kasalanan keka na la sanang parusan, at patatagan ding taung banal.

Ding Kasebian 16:5

Kasusumamian ne ning Ginu ing taung palalu; siguradu neng parusan ing taung makanyan.

Ding Kasebian 20:6

Ing metung at metung sasabian na ing katapatan na, oneng manakit ka kayang taung apanaligan?

Ding Kasebian 21:2

Bala na ning tau king ustu ing sablang daraptan na, oneng ing Ginu ya ing sisiasat king pusu na ning tau.

Jeremias 17:10

Aku, ing Ginu, ing sasalugsug karing kaisipan, at susubuk karing pusu da ring tau. Lalawan ke ing balang tau agpang king pamibiebie na, agpang king daraptan na.

Malakias 3:15

ngening akakit tamu king ding taung mapagmatas ila ding pekamasayang tau. E mu ing minawa la bie ding taung e mayap, nune paniubukan da pa ing kapibabatan na ning Dios king kapamilatan ning e mayap dang dapat at e la man nananu balang.

Mateo 23:5

Pakitang-tau mu ing sablang dapat da. Alben yu nung nu la pangalapad ding karelang pilakteria at pakakabakaba da la borlas ding karelang balabal.

Mateo 6:16

E yu la pakiapusan ding hipokrita neng mag-ayunu kayu. Papakit da ing makalunus la itsura ban kanita abalu da ring tau king mag-ayunu la. Ing katutuan sasabian ku kekayu, tinggap da na keti pa ing karelang ablas.

Mateo 6:2

Inya nung maglimus kayu king taung pakakalulu, e yu na paniabian pa; makanyan ing daraptan da ring hipokrita karing sinagoga at karing dalan. Daraptan da iti ba lang tanggap kapurian karing tau. Ing katutuan sasabian ku kekayu, tinggap da na keti pa ing karelang ablas.

Mateo 6:5

Nung manalangin kayu, e yu la pakiapusan ding hipokrita! Maburi lang makatalakad manalangin karing sinagoga at karing suluk dalan ban kanita pakit la mu karing tau. Ing katutuan sasabian ku kekayu, tinggap da na keti pa ing ablas da.

Lucas 10:29

Oneng buri na ning talaturu ning Kautusan ing ipakit na king maka matulid ya; inya ngana pang kinutang kang Jesus, Ninu wari ing kalupa kung tau?

Lucas 11:39

Inya ngana ning Ginu, Ikayung Pariseo lilinisan yu la lual ding tasa at pinggan, oneng kilub mitmu kayung kasakiman at dewakan.

Lucas 18:11

Tinalakad ya ing Pariseo at nganang menalangin king sarili na, O Dios, pasalamat ku keka king e ra ku kalupa ding aliwang tau; e ku mapanako, e ku mapamirait, e ku makipangalugud o kalupa na ning talapanyingil buis a ini.

Lucas 18:14

Sasabian ku kekayu, nganang Jesus, Ing lalaking iti ya ing minuling mekilalang banal arap ning Dios at aliwa itang metung. Uling ing ninumang mitatas king sarili na mibaba ya, at ing ninumang magpakumbaba mitas ya.

Lucas 18:21

At sinabi na, Daraptan ku na ing sablang yan manibat na inyang kayanakan ku.

Lucas 18:9

Selita nia naman iting talimhaga karing taung tutungge mayap king sarili da at maninsultu naman karing aliwa.

Lucas 20:20

Inya menaya lang masanting a panuan. Sitsutan da la ring mapilan a tau ban magkunwaring manintun king katuliran at ilang tiburan da ba reng arakap i Jesus king pamagsalita na ban kanita adalum de at miyabie king upaya ning Romanung Gobernador.

Lucas 20:47

Ila ding gigisan king kabiayan da ring mebalung babai, at kaybat magkunwaring manalangin makaba! Lalung mabayat ing dugpang parusa karela!

Juan 2:25

E na kailangan pa ing damdaman na king aliwa ing tungkul king ninumang tau uling ya mismu balu na ing atyu king pusu na ning tau.

Juan 21:17

Kitang na king katlung besis, Simon, anak nang Juan, kaluguran mu ko? Melungkut ya i Pedro uling mekatatlu na kitang: Kaluguran mu ko? At mekibat ya, Ginu, balu mu ing sabla; balu mu king kaluguran da ka! Sinabi nang Jesus, Pakanan mu la ding tupa ku.

Ding Dapat 1:18

Karing salaping tinggap nang Judas para king kataksilan na sinali yang kapirasung gabun at ya namang lugal a kematayan na; menabu yang mumuna buntuk, mitdas ya atian at linual ing heganaganang bituka na.

Ding Dapat 1:24

Kaybat ngarang menalangin, Ginu, atataruk me pilubluban ing balang tau. Uli na niti, O Ginu, ipakit mu kekami nung ninu kareting adua ing kekang pinili

Ding Dapat 15:8

At ing Dios a makakilala king isipan da ring tau, pepakit na ing tula na karing paganu king kapamilatan na ning pamamie na karela king Banal a Espiritu antimo nung makananu neng binie kekatamu.

Roma 3:20

Uling alang taung mipatawaran a kasalanan king arapan na ning Dios king kapamilatan na ning pamanupad na king Kautusan; ing parasan na ning Kautusan ya ing mipakilala king mikasala ya ing tau.

Roma 8:27

Ing Dios a manakit angga na king kabubusalan na ning pusu ning tau balu na ing atyu king pilubluban na ning Espiritu; uling ing Espiritu ya ing magparalampu king arapan na ning Dios alang-alang king balen na at agpang king kaburian na.

1 Corinto 4:5

Inya e kayu dapat mamatul kaninu man bayu miras ing oras. Manaya kayu angga king paniatang na ning Ginu a munie kamasalan karing mangalalam a lihim, at mibulalag king makasalikut dang parasan ding sablang tau. Kanita na tanggapan king Dios ning balang katau ing kapurian a mangaintulid keya.

1 Pedro 3:4

Nune ing kekayung leguan sukat atyu king kilub, king pusu yu, leguan a e malyaring kumupas: ing palamuti ning malagu at mababa lub a tutung maulaga king arapan na ning Dios.

1 Pedro 5:5

At ikayung kayanakan a lalaki, pailalam kayu upaya karing makatua. Ikayu ngan sabla isulud yu ing kababan lub ba kayung misusuyuanan, uling sasabian na ning Kasulatan, Kasaman na la ning Dios ding palalu, oneng papakit yang ganaka karing mababa lub.

Kapahayagan 2:23

Paten ku la naman ding anak na ban kanita abalu da ring sablang iglesia king aku ing susuri king pusu at isip da ring tau. Ablasan ke ing balang metung kekayu ketang depat yu.

1 Samuel 16:7

Oneng ngana ning Ginu kang Samuel, E ka lalawe king sintingan o king katas na uling aliwa ya ing pinili ku. E na kalupa ning pamaglalawe na ning tau ing pamaglalawe ku. Lalawe ya mu ing tau ketang makalual king tau, oneng aku, ing Ginu, lalawe ku king pusu.